प्राजक्ता पाटील यांनी भरलेल्या उमेदवारी अर्जा मध्ये भयंकर चुका असल्याची माहिती उघड झाली आहे. नवनियुक्त नगराध्यक्ष प्राजक्ता पाटील यांनी निवडणूक अधिकाऱ्यांना दिलेल्या प्रतिज्ञापत्रमध्ये अनेक त्रुटी आहेत असे निदर्शनास आल्याची धक्कादायक माहिती समोर आली आहे.

आम्हाला वेगळा न्याय अन् प्राजक्ता पाटील यांना वेगळा न्याय का?

निवडणूक अधिकाऱ्यांनी उमेदवार प्राजक्ता पाटील याच अर्ज तपासला नव्हता का असा प्रश्न उज्वला थिटे यांनी उपस्थित केला आहे. उज्वला थिटे यांनी पुढे बोलताना सांगितले, प्राजक्ता पाटील यांनी पतीचे नाव लिहिण्याचा रकान्यात पतीचे नाव लिहिण्याऐवजी निल असे लिहिले आहे. पती अजिंक्यराणा पाटील आणि प्राजक्ता पाटील यांच्या संपत्तीबाबत देखील माहिती समोर आली आहे. प्राजक्ता पाटील यांनी संपत्तीबाबत सविस्तर माहिती दिली नाही. तसेच, उत्पन्नाबाबत खोटी माहिती सादर केली आहे.

KDMC Election : नाद करा पण महायुतीचा कुठे, तब्बल 9 नगरसेवक निकालाआधीच बिनविरोध विजयी, वाचा A टू Z यादी

अजिंक्य राणा पाटील यांना साखर कारखान्यामधून लाखो रुपयांचे वेतन मिळते तरीही प्रतिज्ञापत्रात शून्य असं लिहिलं आहे. फक्त सूचकाची सही नाही म्हणून माझा अर्ज बाद केला आणि प्राजक्ता पाटील यांच्या अर्जात भयंकर चुका आहेत तरीही त्यांचा अर्ज वैध ठरविला. आम्हाला वेगळा न्याय आणि प्राजक्ता पाटील यांना वेगळा न्याय असा सवाल उज्वला थिटे यांनी उपस्थित केलाय.

उज्वला थिटेनी कोर्टात याचिका दाखल

प्राजक्ता पाटील यांच्या उमेदवारी अर्जात भयंकर चुका आम्हाला निदर्शनास आल्या आहेत. त्यामुळे आम्ही विधिज्ञामार्फत कोर्टात याचिका दाखल करत असल्याची माहिती उज्वला थिटे यांनी दिली आहे. उज्वला थिटे यांचे विधिज्ञ ऍड दत्तात्रय घोडके यांनी देखील माहिती देताना सांगितले, सोलापूर जिल्हा न्यायालयात याचिका दाखल केली आहे. लवकरात लवकर कोर्टाचा निकाल लागेल आणि उज्वला थिटे यांना न्याय मिळेल अशी प्रतिक्रिया दिली आहे.