मुंबईत विलेपार्ले पूर्व येथील महाराष्ट्र प्रदूषण नियंत्रण मंडळाचे आणि भांडुप पश्चिम येथील भारतीय उष्णकटीबंधीय हवामान विज्ञान संस्थेचे (आयआयटीएम) केंद्र वगळता, उर्वरित सगळ्या केंद्रांवर सोमवारी हवेची गुणवत्ता श्रेणी ‘मध्यम’ होती. या दोन्ही केंद्रांवरील हवेची गुणवत्ता श्रेणी ‘समाधानकारक’ होती. प्रत्यक्षात मुंबईमध्ये ठिकठिकाणी धुरके दिसत असल्याची तक्रार मुंबईकरांनी नोंदवली. मुंबईच्या किनारपट्टीवरून फार दूर अंतरावरचे स्पष्ट दिसत नव्हते. त्याचवेळी याचे प्रतिबिंब एरव्हीप्रमाणे ‘एक्यूआय’ मध्ये दिसते, ते दिसत नव्हते, याबद्दलही विचारणा करण्यात आली.
Western Railway Mega Block: मुंबईकरांसाठी मोठी बातमी! पश्चिम रेल्वेवर आजपासून 93 लोकल फेऱ्या रद्द, किती दिवसांचा ब्लॉक? पाहा वेळापत्रक
सरकारी अॅपवर ‘एक्यूआय’ निर्देशांक १३०च्या आसपास नोंदवला गेला, त्याचवेळी ‘आय क्यू एअर’ या संकेतस्थळावर हा निर्देशांक १६३ दिसत होता. एक्यूआय या संकेतस्थळावर रात्री ८ वाजण्याच्या सुमारास हा निर्देशांक २९९वर पोहोचला होता. या निर्देशांकानुसार पीएम २.५ आणि पीएम १० या प्रदूषकांपेक्षा कार्बन मोनॉक्साइडची पातळी अधिक होती. सोमवारी दुपारी हा निर्देशांक कमी झाला होता. त्यानंतर संध्याकाळी ४ वाजल्यानंतर यामध्ये पुन्हा वाढ होऊ लागली..

Bhandup BEST Bus Accident: थरारक! ब्रेकऐवजी चुकून ॲक्सिलेटर दाबला अन् क्षणात होत्याचं नव्हतं; भांडुप बेस्ट बस अपघातात चौघांचा मृत्यू, 10 जखमी
प्रदूषके हवेत साचलेलीच…
मुंबईत सोमवारी वाऱ्याचा वेग फारसा नव्हता, तसेच हवाही तुलनेने गार असल्याने प्रदूषके वाहून नेली गेली नाहीत, अशी माहिती हवामान विभागातील अधिकाऱ्यांनी दिली. तसेच थंड हवा हवेच्या खालच्या थरात होती आणि वरच्या थरात गरम हवा होती. प्रदूषके हवेच्या या थंड थरात अडकल्याने त्यांची हालचाल झाली नाही, यामुळे मुंबईतील वातावरणात धुरक्याचा परिणाम जाणवत होता, असेही सांगण्यात आले. मुंबईत ३१ डिसेंबर आणि १ जानेवारीला किमान तापमानात आणखी किंचित घट होण्याची शक्यता आहे. त्याचवेळी धुकेही अधिक असेल. त्यामुळे या कालावधीत मुंबईत आणखी धुरके जाणवू शकते, असाही अंदाज आहे. मात्र सरकारी अॅपच्या आकडेवारीत हे चित्र प्रत्यक्षात दिसेल का, असा प्रश्न उपस्थित होत आहे.