Dadar Railway Station New Platform : दादर रेल्वे स्थानकात नवा प्लॅटफॉर्म उभारला जात असून यामुळे रेल्वे गाड्यांसाठी चांगली सोय होणार आहे. रेल्वे अधिकाऱ्यांनी याबाबत माहिती दिली आहे.
पश्चिम रेल्वे मार्गावर नवा प्लॅटफॉर्म
दादर रेल्वे स्टेशन मध्य रेल्वे आणि पश्चिम रेल्वेच्या नेटवर्कमधील एक महत्त्वाचा इंटरचेंज म्हणून काम करतं. या स्टेशनवरुन दररोज सहा लाखांहून अधिक प्रवाशांची एकत्रित ये-जा होत असते. सध्या दादरच्या 1 ते 7 क्रमांकाचे प्लॅटफॉर्म पश्चिम रेल्वेसाठी आहेत. तर 8 ते 14 क्रमांकाचे प्लॅटफॉर्म मध्य रेल्वेसाठी आहेत.
Navi Mumbai Airport : नवी मुंबई विमानतळावरील ‘लँडिंग’ मुंबईमार्गेच, कारण काय? कुठूनही विमाने आली की…
आता पश्चिम रेल्वेच्या प्लॅटफॉर्म क्रमांक 7 ला लागून दुसरा प्लॅटफॉर्म बांधल्याने लांब पल्ल्याच्या गाड्यांसाठी अधिक सुविधा, अतिरिक्त सोय होणार आहे. मुंबईतील सर्वात गर्दीच्या रेल्वे जंक्शनपैकी एक असलेल्या दादर स्थानकात लांब पल्ल्यांच्या गाड्यांची ये-जा सुधारण्याच्या उद्देशाने नव्या प्लॅटफॉर्मचं हे पाऊल उचलण्यात आलं आहे.Local Train : आता लोकलप्रवास सुस्साट… वांद्रे ते अंधेरी, कल्याण-कर्जत, पनवेल-कळंबोली… नव्या 749 लोकल फेऱ्या, कशा-कुठे चालवल्या जाणार?
दादर स्थानकात 7अ प्लॅटफॉर्म –
दादरच्या पश्चिम रेल्वेवरील प्लॅटफॉर्म क्रमांक 7 ला नवीन प्लॅटफॉर्म जोडल्यामुळे, त्याला ‘7अ’ असा क्रमांक देण्याचा रेल्वेचा विचार आहे. या नव्या प्लॅटफॉर्मला 8 क्रमांक दिल्याने मध्य रेल्वेच्या अनेक प्लॅटफॉर्मचे क्रमांक बदलावे लागतील. तसंच साइनबोर्ड आणि सार्वजनिक घोषणा प्रणालींमध्ये, स्टेशनवरील पाट्यांमध्येही बदल करावे लागतील. सध्याचे असलेले सर्व प्लॅटफॉर्म क्रमांकही बदलावे लागतील. हेच टाळण्यासाठी, प्लॅटफॉर्म क्रमांक 7 ला जोडण्यात येणाऱ्या नव्या प्लॅटफॉर्मला 7अ असा क्रमांक देण्याचा रेल्वेचा विचार आहे. मात्र याबाबत अद्याप अंतिम निर्णय झालेला नाही.दादर स्थानकात पश्चिम रेल्वेच्या मुंबई मध्य विभागातील अनेक लांब पल्ल्याच्या गाड्या सुटतात किंवा येथे येऊन थांबतात. सध्या लांब पल्ल्याच्या गाड्यांसाठी केवळ दोन टर्मिनल लाईन्स वापरल्या जातात. सहाव्या मार्गाचं काम पूर्ण झाल्यानंतर, भविष्यात अशा गाड्या हाताळणं कठीण होईल. म्हणूनच, प्लॅटफॉर्म क्रमांक 7 ला लागून एक अतिरिक्त प्लॅटफॉर्म तयार करण्याचा निर्णय घेण्यात आला आहे, अशी माहिती रेल्वे अधिकाऱ्यांनी दिली आहे. नव्या प्लॅटफॉर्ममुळे लांब पल्ल्याच्या गाड्यांचं सुलभ व्यवस्थापन होईल.
दादर कबूतरखाना बंद करण्याच्या हालचालींना स्थानिकांचा विरोध; रात्री महापालिकेच्या कारवाईवर संताप
नवीन प्लॅटफॉर्ममुळे भविष्यात वाढणाऱ्या प्रवाशांची संख्या तसंच गाड्यांचं व्यवस्थापन करणं सोपं होईल. लांब पल्ल्याच्या गाड्यांसाठी चांगली सुविधा उपलब्ध होईल. भविष्यातील वाहतूक व्यवस्थापनावर लक्ष केंद्रित करून हा निर्णय घेतला असल्याचं रेल्वेकडून सांगण्यात आलं आहे.
लेखकाबद्दलकरिश्मा भुर्केकरिश्मा भुर्के, महाराष्ट्र टाइम्स ऑनलाइनमध्ये सिनीअर डिजिटल कंटेंट प्रोड्युसर म्हणून कार्यरत. सामना, झी २४ तास, न्यूज १८ लोकमतसह ७ वर्ष पत्रकारिता क्षेत्रातील अनुभव. राष्ट्रीय-आंतरराष्ट्रीयसह, सामाजिक, गाव-खेड्यातील विविध विषयांवर लेखनाची आवड. मागील ३ वर्षांपासून महाराष्ट्र टाइम्समध्ये कार्यरत. जोशी-बेडेकर कॉलेजमधून बॅचलर ऑफ मास मीडियाची पदवी, त्यानंतर साठे महाविद्यालयातून मास्टर्स इन जर्नालिजमचं शिक्षण पूर्ण केलं आहे.… आणखी वाचा