पोलिस उपायुक्त विजयकांत सागर आणि वरिष्ठ निरीक्षक, पायधुनी पोलिस ठाणे विनोद गावकर यांच्या मार्गदर्शनाखाली १६ डिसेंबरला निरीक्षक सलीम खान, उपनिरीक्षक सचिन लहामगे, अनिल वायाळ यांच्या पथकाने मशीद बंदरच्या पी. डीमेलो रोड येथून जलाराम नटवर ठक्कर आणि वसीम मजरुद्दीन सय्यद या दोन तरुणांना ताब्यात घेतले. त्यांच्याकडे सव्वाकोटी रुपये किंमतीचे हेरॉइन सापडले. विक्रीसाठी आलेल्या दोघांनी हे अमली पदार्थ कुठून आणले याचा पोलिसांनी तपास केला. त्यांच्या चौकशीत रूबीना खान हिचे नाव पुढे आले. तिने चौकशीमध्ये हे अमली पदार्थ शबनम शेख या महिलेने दिल्याचे सांगितले. गायब झालेल्या शबनमला पोलिसांनी राजस्थान येथून शोधून काढले.

Pune Crime : तुला चॉकलेट देतो, पार्टीला घरी येतेस का? पुण्यात शाळकरी मुलीला फ्लॅटमध्ये नेलं, बंद दाराआड वृद्धाचं अश्लील कृत्य
अटक करण्यात आलेले चौघेही आरोपी हे विक्रेते असल्याने त्यांना या अमली पदार्थाचा पुरवठा कुणी केला, याचा शोध पोलिसांनी सुरू केला. त्यावेळी मुस्कान शेख या आणखी एक महिलेचे नाव पुढे आले. पोलिसांनी तिला मशीद बंदर परिसरातून अटक केली. मुस्कानकडे केलेल्या चौकशीत या साखळीचा मुख्य सूत्रधार मेहरबान अली असल्याचे समजले. त्यानेच अब्दुल शेखमार्फत हेरॉइन पाठवल्याची माहिती दिल्यानंतर पोलिसांनी त्याला अटक करून १ कोटी ३८ लाखांचे हेरॉइन जप्त केले.

Nagpur Crime : बॅचलर्स पार्टीत तरुणाचा मृत्यू, 11 मित्रांवर गुन्हा, नागपुरातील फार्म हाऊसवर काय घडलं? आदित्यला रात्रभर…
पुड्या बांधताना धरपकड
मेहरबान अली हा ओशिवरा येथील घरातून अमली पदार्थाचा पुरवठा करीत असल्याची माहिती अब्दुलकडून मिळाली. त्यानुसार पोलिसांनी ओशिवऱ्याच्या आनंदनगर भागातील घरावर छापा टाकला असता नवाजीस गालीब खान, सारिक सलमानी, समद गालीब खान हे तिघे अमली पदार्थाच्या पुड्या बांधताना सापडले. या घरात पोलिसांना ३३ कोटींपेक्षा अधिक किंमतीचे हेरॉइन सापडले. या संपूर्ण कारवाईत पोलिसांनी आतापर्यंत ३६ कोटी ५५ लाखांचे हेरॉइन, आठ लाखांची रोख रक्कम, कार आणि १२ मोबाइल हस्तगत केले आहेत.