जिल्ह्यात अवैध गौण खनिज वाहतुकीवर बंदी असतानाही अनेक मार्गांवर सर्रास अशी वाहतूक चालते. जिल्हाधिकारी कार्यालयाचा खनिकर्म विभाग आणि तहसील कार्यालयांकडून नेमण्यात आलेल्या पथकांद्वारे या वाहतुकीवर कारवाई केली जाते. अशाच कारवाईदरम्यान जप्त केलेला वाळूचा ट्रक (एमएच १५/जेसी ८१८२) जिल्हाधिकारी कार्यालयाच्या वाहनतळात उभा केला होता.

Nagpur Fraud: नागपुरात 1.65 कोटींचा Credi Card घोटाळा; युनियन बँकेच्या तत्कालीन शाखा व्यवस्थापकासह 7 जणांविरुद्ध गुन्हा
मात्र, मुद्देमालासह पाच लाख रुपये किंमत असलेला हा ट्रक सोमवारी (दि. २२) सकाळी साडेदहाच्या सुमारास वाहनतळात दिसून आला नाही. ग्राम महसूल अधिकारी जितेंद्र क्षीरसागर यांनी वरिष्ठांना याबाबत माहिती देऊन सरकारवाडा पोलिस स्टेशनमध्ये फिर्याद दिली आहे. त्यानुसार ट्रकमालक मोहनीश उर्फ पप्पू ठोंबरे याच्यासह चालकावर गुन्हा दाखल करण्यात आला आहे.

Nashik Crime: दुकानदाराच्या तक्रारीमुळे हताश, नाशकात 29 वर्षीय तरुणाने संपवलं आयुष्य; रात्रभर बेपत्ता अन्…
सुटीचा फायदा घेत चोरी
जिल्हाधिकारी कार्यालयासह आवारातील अन्य कार्यालये रविवारी सुटीच्या दिवशी बंद असतात. त्यामुळे येथे शुकशुकाट असतो. कार्यालयाचे मुख्य प्रवेशद्वार बंद असले तरी एसबीआय बँकेच्या बाजूचे प्रवेशद्वार खुले असते. सुटीमुळे कार्यालयात सामसूम होती. याचाच फायदा घेत चोरट्याने वाळूने भरलेला ट्रक चोरून पोबारा केल्याचे बोलले जात आहे. यामुळे जिल्हाधिकारी कार्यालयातील सुरक्षेचा मुद्दा चव्हाट्यावर आला आहे.