Maharashtra Politics : रवींद्र धंगेकर यांच्या रूपात आम्ही नुकताच वाईट अनुभव घेतला. त्यामुळे आपल्या गाडीतील पेट्रोल संपले म्हणून कोणी आमच्याकडे येऊन पेट्रोल भरून दुसऱ्यांची गाडी चालवू नये, अशी टीका काँग्रेस पुणे शहराध्यक्षांनी केली.
जगताप यांनी शहर काँग्रेसला ‘बायपास’ करून, प्रदेश कार्यालयात प्रदेशाध्यक्षांच्या उपस्थितीत हा प्रवेश केला. त्यामुळे त्याचे पडसाद शहर काँग्रेसमध्ये उमटले. काँग्रेसचे शहराध्यक्ष अरविंद शिंदे यांनी प्रशांत जगताप यांचे स्वागत केले असले, तरी ‘लिव्ह अँड लायसन्स’वर पक्षात येऊ नका; पक्षाची विचारधारा स्वीकारा आणि त्याप्रमाणे वागा, असा इशारा दिला आहे.
काँग्रेसमध्ये आधीच अनेक गट-तट आहेत. जगताप यांनी आपल्या समर्थकांसाठी विशिष्ट जागांचा आग्रह धरल्याची चर्चा आहे. दरम्यान, ‘जगताप आमच्या पक्षात प्रवेश करणार असल्याची आम्हाला कल्पना नव्हती. जगताप यांनी अटी-शर्ती घालून प्रवेश केला असेल, तर या अटी-शर्तींचा बारकाईने विचार करावा लागेल, असे आम्ही प्रदेश काँग्रेसच्या पदाधिकाऱ्यांना कळवले आहे,’ असे अरविंद शिंदे म्हणाले.
Maharashtra Politics : भाजपची जबरा खेळी, जिथे ‘कमळ’ फुलण्याची खात्री नाही, तिथे उमेदवारांना राष्ट्रवादीत पाठवलं, आता फटका…
‘रवींद्र धंगेकर यांच्या रूपात आम्ही नुकताच वाईट अनुभव घेतला आहे. त्यामुळे आपल्या गाडीतील पेट्रोल संपले म्हणून कोणी आमच्याकडे येऊन पेट्रोल भरून दुसऱ्यांची गाडी चालवू नये. ‘लिव्ह अँड लायसन्स’ वर येऊन पोटभाडेकरू होऊ नये. पक्ष देईल त्या आदेशाचे पालन करण्याची मानसिकता ठेवावी,’ असा टोला अरविंद शिंदे यांनी जगताप यांना लगावला आहे.
Nitesh Rane | तुम्ही माझ्यावर सोडा, बांधता येतं तसं बंद करता येतं; कोळी समाजासाठी नितेश राणे मैदानात
काँग्रेसमध्ये स्वागत
दरम्यान, महानगरपालिका निवडणुकांच्या पार्श्वभूमीवर प्रशांत जगताप यांचा पक्षप्रवेश हा काँग्रेसला बळ देणारा आहे, असे गौरवोद्गार प्रदेशाध्यक्ष हर्षवर्धन सपकाळ यांनी काढले. ‘माझी लढाई जातीयवादी व भ्रष्टाचाराविरोधात आहे,’ असे जगताप यांनी या वेळी जाहीर केले. महाराष्ट्र काँग्रेसच्या दादर येथील मुख्यालयात हा पक्षप्रवेश पार पडला. या वेळी काँग्रेसचे प्रदेशाध्यक्ष हर्षवर्धन सपकाळ, काँग्रेस पक्षाचे नेते विजय वडेट्टीवार, काँग्रेस कार्य समितीचे सदस्य व माजी मंत्री नसीम खान आदी उपस्थित होते.Meenakshi Shinde : दोन दिवसांपूर्वीचा वाद टोकाला? शिंदेसेनेच्या मीनाक्षी शिंदेंचा तडकाफडकी राजीनामा, धक्कादायक कारण समोर
सपकाळ म्हणाले, ‘काँग्रेस पक्ष वैचारिक लढाई निष्ठेने व निकराने लढत आहे; पण आज काही पक्ष हे केवळ सत्ता व सत्तेतून भ्रष्ट मार्गाने पैसा मिळवणे व त्या पैशातून निवडणुका जिंकणे हे काम करीत आहेत. काँग्रेसची विचारधारा देशाला तारणारी आहे आणि प्रशांत जगताप यांनी आज काँग्रेसच्या प्रशांत महासागरात प्रवेश केला आहे.’ BMC निवडणुकीत ठाकरे बंधू की सेना-भाजप महायुतीचा झेंडा? मटा ऑनलाईन पोलमध्ये 82 टक्के युजर्सचं एकमत, मुंबईत फक्त…
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा