शिवसेनाप्रमुख दिवंगत बाळासाहेब ठाकरे यांचे निवासस्थान असलेल्या वांद्रे खेरवाडी येथील ‘मातोश्री’ निवासस्थानाला राजकारणात एक वेगळे वलय आहे. देश-विदेशातील वेगवेगळ्या क्षेत्रांतील अनेक बड्या व्यक्ती मातोश्रीचे उंबरे चढल्या आहेत. माजी मुख्यमंत्री आणि शिवसेना पक्षप्रमुख उद्धव ठाकरे यांचे वास्तव्य ‘मातोश्री’मध्ये असून, आजही या वास्तूला तितकेच महत्त्व आहे. विशेष म्हणजे पोलिसांच्या दृष्टीने धोका आणि इतर बाबींचा विचार करून तितकेच सुरक्षाकवच पुरविण्यात आले आहे. असे असतानाही बुधवारी एक ड्रोन या परिसरात घिरट्या घालताना नजरेस पडले. काहीतरी संशयास्पद वाटल्याने ‘मातोश्री’वरून थेट पोलिसांच्या नियंत्रण कक्षात फोन गेला.
Mahadev Jankar : ना भाजपसोबत, ना ठाकरेंच्या साथीला, जानकरांनी निवडला नवा मित्र, बदलणार राजकीय चित्र?
कडक पोलिस बंदोबस्त असतानाही ‘मातोश्री’वरून फोन आल्याचे कळताच पोलिस यंत्रणा खडबडून जागी झाली. स्थानिक पोलिस आणि वरिष्ठ अधिकाऱ्यांना याबाबतची माहिती देण्यात आली. पोलिसांनी घटनास्थळी पोहोचून चौकशी केली असता, आजूबाजूच्या परिसरात सुरू असलेल्या एका प्रकल्पाच्या सर्वेक्षणासाठी हे ड्रोन उडविल्याची माहिती मिळाली.
Blue Sea Mumbai : जिथे जुन्या नात्याच्या जखमा, तिथेच नव्या नात्याची मुहूर्तमेढ, हॉटेल ब्ल्यू सीबाबत ठाकरेंचे योगायोग
पोलिसांनी ड्रोन उडविणाऱ्यांना ताब्यात घेतले. त्यांनी परवानगी घेतली होती का? परवानगी होती किंवा नव्हती तरी ‘मातोश्री’ परिसरात ड्रोन का नेण्यात आले, याबाबत रात्री उशिरापर्यंत चौकशी सुरू होती, अशी माहिती एका वरिष्ठ पोलिस अधिकाऱ्याने दिली.

वेगळे काही घडणार नाही!

‘उद्धव आणि राज ठाकरे एकत्र आले आहेत, त्यांना माझ्या शुभेच्छाच राहतील. पण, ते दोघे एकत्र आल्याने राजकीयदृष्ट्या फार काही वेगळे घडेल असा कोणाचा समज असेल तर तो बाळबोध समज आहे. ते दोघे म्हणजे मुंबई नाही आणि मराठी नाही. आम्ही म्हणजेच सर्व काही हा त्यांचा जो दुराभिमान आहे, त्यामुळेच मुंबईकर त्यांच्यापासून दूर गेले,’ अशी जळजळीत टीका मुख्यमंत्री देवेंद्र फडणवीस यांनी बुधवारी येथे केली.