Chandrapur Crime : एका लाखासाठी कृष्णा बनला मानवी अवयव तस्करीचा एजंट; कंबोडियात 10 ते 12 जणांची किडनी काढल्याचं समोर

किडनी विक्रीप्रकरणी पोलिसांना तपासात मोठं यश मिळालं आहे. ज्याच्या माध्यमातून रोशन कुडे या शेतकऱ्याने कंबोडियात किडनी विकली, तो डॉ. कृष्णा पोलिसांच्या हाती लागला आहे. कृष्णा हे नाव धारण करून तो सोलापुरात वास्तव्यास होता. त्याला तिथून पकडण्यात आलं आहे. त्याचे मूळ नाव रामकृष्ण मल्लेशम सुंचू आहे. याला एका किडनीसाठी एक लाख रुपयांचे कमिशन मिळायचं. त्यामुळे तो गरजूंना हेरून किडनी काढण्यासाठी प्रवृत्त करायचा. त्याच्या माध्यमातून जवळपास 12 जणांनी कंबोडियातील प्रेआ केत मेलीआ हॉस्पिटल, फ्नॉम पेन्ह, कंबोडिया (मिल्ट्री हॉस्पिटल) येथे किडनी विकल्याचे समोर आलं आहे. अशी माहिती पोलीस अधीक्षक मुमक्का यांनी दिली.