या सोबत पालकमंत्री अजित पवार यांनी त्यांच्या भाषणात नव्या महापालिकेचा दिलेला शब्द, याचाच फायदा राष्ट्रवादीला झाला असावा आणि नगराध्यक्षासह बहुमताने विजयी होऊन राष्ट्रवादीने पहिल्या निवडणुकीत ऐतिहासिक विजयी झेंडा नगर परिषदेच्या कार्यालयावर उभारला. तुतारी आणि मशालीला एकही जागा जिंकता आली नाही.
Pune Elections: ‘दादा vs दादा’ नंतर पुण्यात रंगणार ‘दादा vs अण्णा’चा सामना; मोहोळ आता थेट अजित पवारांच्या रडारवर
फुरसुंगी नगर परिषदेत ३२ नगरसेवक व नगराध्यक्ष पदासाठी निवडणूक झाली. हडपसरचे आमदार चेतन तुपे यांनी पुढाकार घेऊन वेगवेगळ्या पक्षातून मातब्बर उमेदवारांना एकत्र करून सक्षम पॅनल तयार केले. निवडणुकीत भाजप आणि शिवसेना एकनाथ शिंदे गटाची युती झाली आणि राष्ट्रवादीने सर्व जागांवर स्वतंत्र उमेदवार दिले. भाजप आणि राष्ट्रवादी काँग्रेस पक्षामध्ये १४ ठिकाणी लढत झाली. फुरसुंगी, उरळी देवाची नगर परिषद करण्यासाठी शिवसेना एकनाथ शिंदे गटाचे आमदार विजय शिवतारे यांनी अथक प्रयत्न केले होते. त्यामुळे त्यांना सर्वांत जास्त उमेदवार जिंकून येतील, अशी अपेक्षा व्यक्त केली होती. मात्र केवळ आठ जागा आल्याने त्यांच्या पदरी निराशा आली. काँग्रेसचे माजी आमदार संजय जगताप हे स्थानिक नेत्यांना सोबत घेऊन भाजपमध्ये आल्याने ताकद वाढली, अशीच चर्चा रंगली होती. मात्र केवळ पाच जागा मिळाल्याने फुरसुंगीत त्यांचा विशेष फायदा भाजपला झाला नाही.