अशी झाली कारवाई

वरिष्ठ पोलीस निरीक्षक पृथ्वीराज घोरपडे यांच्या मार्गदर्शनाखाली पोलीस शिपाई विवेक देविदास पारासुर यांच्या पथकाने हे ऑपरेशन राबवले. हॉटेलमध्ये वेश्याव्यवसाय सुरू असल्याची खात्री करण्यासाठी पोलिसांनी एका बनावट ग्राहकाचा (नितीन बावसकर) आधार घेतला. सरकारी सिक्रेट फंडातून मिळालेल्या २,००० रुपयांच्या नोटांसह बनावट ग्राहकाला लॉजमध्ये पाठवण्यात आले. व्यवहाराची पुष्टी होताच, पंचांच्या उपस्थितीत पोलिसांनी हॉटेलवर धाड टाकली.

धक्कादायक वास्तव आणि जप्ती

तपास पथकाने हॉटेलच्या पहिल्या माळ्यावरील रूम नंबर २०१ मध्ये प्रवेश केला असता, तेथे २६ आणि ३९ वर्षीय बांगलादेशी महिलांसह एकूण पाच महिला आढळल्या. पोलिसांनी घटनास्थळावरून गर्भनिरोधक साधने, रोकड, एसी, टीव्ही आणि इतर साहित्य जप्त केले. त्यानंतर दुसऱ्या माळ्यावरील रूम नंबर ३०१ ते ३०५ ची झडती घेतली असता, तेथे आणखी सहा महिला आढळल्या. यामध्ये एका १६ वर्षांच्या अल्पवयीन बांगलादेशी मुलीचा समावेश होता, जिचा वेश्याव्यवसायासाठी बळी दिला जात होता.

Navi Mumbai: लोकलच्या गर्दीत तरुणाला हार्ट अटॅक, पण नशिबाचा फेरा पाहा; रुग्णवाहिकेचा ड्रायव्हर जेवायला गेला अन् घात झाला!

आरोपींवर कठोर गुन्हे दाखल

या प्रकरणी हॉटेलचा मॅनेजर गिरीश विठ्ठल शेट्टी, मालक वसंत गणेश शेट्टी आणि सर्व्हिस बॉय रोशन रामजित यादव यांच्याविरोधी गुन्हे दाखल करण्यात आले आहेत. पोलिसांनी आरोपींविरुद्ध भारतीय न्याय संहिता २०२३ (कलम १४३, ३), अनैतिक व्यापार प्रतिबंधक कायदा १९५६ आणि विशेषतः पोक्सो (POCSO) कायद्यांतर्गत कठोर कलमे लावली आहेत.

सुरक्षेचे आवाहन लॉजचे सीसीटीव्ही फुटेज, रजिस्टर आणि इतर कागदपत्रे पोलिसांनी ताब्यात घेतली आहेत. महिला आणि अल्पवयीन मुलींच्या शोषणाविरुद्ध हे मोठे पाऊल असल्याचे पोलीस प्रशासनाने म्हटले आहे. तसेच, नागरिकांनी अशा बेकायदेशीर कृत्यांबाबत सतर्क राहून पोलिसांना माहिती देण्याचे आवाहन केले आहे.