Mumbai Police Vulgar Act with Woman : पोलिस महिलेसोबत लगट करून अश्लील चाळे करू लागला. हा संतापजनक प्रकार पाहून नागरिक जमा झाले होते
नेमकं काय घडलं?
ताडदेव आरटीओकडे जाणाऱ्या साने गुरूजी मार्गावर महापालिकेचे भाऊसाहेब हिरे उद्यान आहे. लहान मुलांची खेळण्यासाठी आणि फेरफटका मारण्यासाठी नागरिक या ठिकाणी मोठ्या संख्येत असतात. सोमवारी सायंकाळी पाचच्या सुमारास एक गणवेशातील पोलिस तरूणीसोबत बसल्याचे येथील नागरिकांनी पाहिले.
नागरिकांचा पोलिसाला चोप
काही वेळाने हा पोलिस तिच्यासोबत लगट करून अश्लील चाळे करू लागला. हा संतापजनक प्रकार पाहून नागरिक जमा झाले आणि पोलिसाला पकडून चोप दिला. पोलिस चौकी उद्यानाला लागूनच असल्याने याबाबतची माहीती कळताच ताडदेव पोलिस घटनास्थळी पोहोचले. नशेत असलेल्या या सहायक फौजदाराला ताब्यात घेत पोलिस ठाण्यात नेण्यात आले.
या घटनेमुळे ताडदेव परिसरात खळबळ उडाली आहे. प्राथमिक चौकशीत ही तरूणी गतिमंद असल्याचे पोलिसांनी म्हटले आहे. सहायक फौजदार पोलिसांच्या सशस्त्र विभागात कार्यरत असून सध्या ल विभाग २ येथे नेमणूकीस आहे.
Crime News : पळ तुझे बाबा आले; मित्रासोबत बंद फ्लॅटमध्ये असताना वडिलांची चाहूल, जोडप्याची धांदल, तरुणी आठव्या मजल्यावरुन पडली
अल्पवयीन मुलाचा लैंगिक छळ
दुसरीकडे, नाशिक जिल्ह्यातील मालेगाव शहरातील एका तालमीत अल्पवयीन मुलाचा लैंगिक छळ केल्याप्रकरणी शिक्षक प्रवीण रणजीत चांगरे याच्याविरुद्ध छावणी पोलीस ठाण्यात गुन्हा दाखल करण्यात आला आहे. या प्रकरणी पीडित मुलाच्या वडिलांनी फिर्याद दिली आहे. तालमीत पीडित मुलगा एकटा असताना प्रवीण चांगरे याने त्याच्याशी शारीरिक चाळे केल्याचे फिर्यादीत म्हटले आहे.Crime News : मित्राने लॉजवर बोलावलं, विवाहिता 105 ऐवजी 205 रुम नंबरमध्ये शिरली, तिघांकडून रात्रभर अत्याचार, शेवटी तिने…
डोंगराळे खटल्याची २७ रोजी सुनावणी
दरम्यान, मालेगाव तालुक्यातील डोंगराळे अत्याचार प्रकरणात पोलिसांनी ४२५ पानांचे दोषारोपपत्र दाखल केल्यानंतर दुसऱ्यांदा सोमवारी (दि. २२) येथील अपर जिल्हा सत्र न्यायालयाचे न्या. के. आर. पाटील यांच्यासमोर विशेष सरकारी वकील ॲड. उज्ज्वल निकम यांनी व्हिडीओ कॉन्फरन्सिंगद्वारे युक्तिवाद केला. यावेळी न्यायालयीन कोठडीत असलेल्या संशयितासही व्हिडीओ कॉन्फरसद्वारे हजर करण्यात आले होते.Crime News : नमो भारत ट्रेनमध्ये जोडप्याचे शरीरसंबंध, CCTV फूटेज व्हायरल, पण कारवाई ना युवकावर ना युवतीवर, तर…
या खटल्याची पुढील सुनावणी २७ डिसेंबर रोजी घेण्यात येणार आहे. सोमवारी झालेल्या सुनावणीच्या वेळी संशयिताच्या वकिलांनी पोलिसांनी न्यायालयात सादर केलेल्या पुराव्यांची प्रत व डिजिटल पुरावे मिळावेत असा अर्ज केला. यावर विशेष सरकारी वकील उज्ज्वल निकम यांनी पुढील सुनावणीच्या वेळी पुरावे व प्रत दिली जाईल, असा युक्तिवाद केला.
२५ वर्ष शिवसेनेने काही केलं नाही तर भाजप आमच्यासोबत खुर्च्या गरम करत का बसली? आदित्य ठाकरेंचा चिमटा
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा