काल जाहीर झालेल्या नगरपंचायत आणि नगरपरिषद निवडणुकांमध्ये एकनाथ शिंदे यांच्या शिवसेनेने अपेक्षेप्रमाणे बाजी मारली. भाजप पहिल्या स्थानी असून शिंदे यांची शिवसेना दुसऱ्या क्रमांकावर आहे.
जून २०२२ मध्ये शिवसेनेत मोठी फूट पडली. एकनाथ शिंदे यांनी उद्धव ठाकरेंची साथ सोडली. त्यांना ४० आमदारांनी साथ दिली. बहुतांश खासदारदेखील शिंदे यांच्या गटात गेले. पुढे निवडणूक आयोगानं शिंदे यांच्या गटाला शिवसेना हे नाव आणि धनुष्यबाण चिन्ह दिलं. त्यामुळे उद्धव ठाकरेंना मोठा धक्का बसला. सत्ता आणि पक्ष गमावलेल्या ठाकरेंच्या गटाला मशाल चिन्ह मिळालं.
5 मिनिटं वेळ द्या! NCPच्या हतबल नेत्यांची महाजनांकडे आर्जवं; मंत्री, आमदार कारपर्यंत आले, पण…
गेल्या वर्षी झालेल्या लोकसभा निवडणुकीत शिंदेंची पहिली अग्नीपरिक्षा झाली. त्यांच्या पक्षानं १५ जागा जिंकत ७ जागा जिंकल्या. तर ठाकरेंनी २१ जागा लढवत ९ जागांवर विजय मिळवला. ठाकरेंचे अधिक खासदार निवडून आले. पण स्ट्राईक रेटच्या बाबतीत शिंदे पुढे राहिले. ठाकरेसेनेचा स्ट्राईक रेट ४२.९ टक्के, तर शिंदेंचा स्ट्राईक रेट ४६.७ टक्के होता. विशेष म्हणजे शिंदे यांच्या पक्षाचा स्ट्राईक रेट भाजपपेक्षा चांगला होता.
लोकसभा निवडणुकीत महायुतीचं राज्यात पानीपत झालं. त्यानंतर सहा महिन्यांनी झालेल्या विधानसभा निवडणुकीत महाविकास आघाडीला झटका बसला. उद्धवसेनेनं ९५ जागा लढवत केवळ २० जागांवर बाजी मारली. त्यांचा स्ट्राईक रेट केवळ २१.०५ टक्के राहिला. तर शिंदेसेनेनं ८१ जागा लढवून ५७ जागा जिंकल्या. त्यांचा स्टाईक रेट ७०.३७ टक्के होता.Kolhapur Election Result: नाद करायचा नाय, मतदार जागा हाय! आमदाराच्या अख्खा कुटुंबाला घरी पाठवलं, घराणेशाहीला साफ नाकारलं
विधानसभेपाठोपाठ नगरपंचायत आणि नगरपरिषद निवडणुकांमध्ये शिंदेसेनेनं धुरळा केला. शिवसेना उबाठाला दोन आकडी जागाही गाठता आल्या नाहीत. तर शिंदेसेनेनं भाजप पाठोपाठ दुसरा क्रमांक पटकावला. शिंदेसेनेनं अर्धशतक पार केलं. शिवसेना उबाठाचा स्ट्राईक रेट केवळ १८.५ टक्के राहिला. तर शिंदेसेनेनं ५४.९ टक्के स्ट्राईक रेट राखला. विशेष म्हणजे स्ट्राईक रेटच्या बाबतीत शिंदेसेना भाजपच्या खालोखाल राहिली.
पक्षफुटीनंतर शिंदे आणि त्यांच्या सोबत गेलेल्या आमदारांवर ठाकरेंकडून जहरी टीका झाली. त्यांचा उल्लेख गद्दार असा करण्यात आला. पण गेल्या काही महिन्यांतील परिस्थिती पाहता शिंदे यांनी गद्दारीचा डाग पुसल्याचं स्पष्ट झालं आहे. लोकसभेला उद्धव ठाकरेंप्रती सहानुभूती दिसून आली. पण आता तो मुद्दा फारसा चर्चेतही नाही. गद्दारीचं नरेटिव्ह खोडून काढण्यात शिंदे यशस्वी ठरले आहेत.Solapur Election Result: पवारांचा खासदार एकटा नडला, भाजपला भारी पडला; अख्ख्या जिल्ह्यात फडणवीसांच्या शिलेदाराला धक्का
सलग तीन निवडणुकांमध्ये शिंदे यांनी ठाकरेंच्या तुलनेत उजवी कामगिरी केली आहे. विशेष म्हणजे नुकत्याच झालेल्या स्थानिक स्वराज्य संस्थांच्या निवडणुकांमध्ये शिंदे अनेक ठिकाणी थेट भाजप विरोधात लढले. तरीही त्यांनी चांगलं यश मिळवलं. भाजपची यंत्रणा सोबत असल्यानं शिंदेसेना यशस्वी ठरते, हा दावादेखील त्यांनी यावेळी खोडून काढला.
लेखकाबद्दलकुणाल गवाणकर“कुणाल किशोर गवाणकर, महाराष्ट्र टाईम्समध्ये प्रिन्सिपल डिजिटल कंटेंट प्रोड्युसर पदावर कार्यरत आहेत. राज्य आणि राष्ट्रीय पातळीवरील राजकीय घडामोडींच्या बातम्या आणि त्यांचे विविध पैलू उलगडणारं लिखाण करण्यात हातखंडा. ब्रेकिंग न्यूज सोबतच राजकीय घडामोडींमधील बारकावे टिपून इनसाईड माहितीच्या आधारे सखोल विश्लेषण करणारं लिखाण करण्यात निष्णात. राष्ट्रीय आणि आंतरराष्ट्रीय पातळीवरील रंजक घटना आणि घडामोडींवर लिखाण.
तीन वर्षांपासून महाराष्ट्र टाइम्समध्ये कार्यरत. त्याआधी लोकमत ऑनलाइन, लोकसत्ता ऑनलाइनमध्ये काम. न्यूज 18 लोकमत, टीव्ही 9 वृत्तवाहिन्यांमध्ये कामाचा अनुभव. पत्रकारितेत 14 वर्षांपासून कार्यरत.”… आणखी वाचा