महापालिका निवडणुकीसाठी राष्ट्रवादी काँग्रेसतर्फे इच्छुक उमेदवारांच्या मुलाखती अजित पवार यांनी रविवारी घेतल्या. या वेळी पत्रकार परिषदेत ते बोलत होते. जिल्ह्यातील नगरपरिषदांच्या निवडणुकीत मतदारांनी राष्ट्रवादी काँग्रेसवर विश्वास दाखवला आहे. याचा परिणाम महापालिका निवडणुकीत दिसेल, असे पवार यांनी स्पष्ट केले.

Pune News : आंबेगाव-कात्रजमध्ये भाजपने ‘मोठा मासा’ हेरला, अजितदादांचा तीळपापड, वचपा काढण्यासाठी राष्ट्रवादीने थेट भाजपच्या…
महायुतीमधील मित्र पक्षांनी एकमेकांचे उमेदवार घ्यायचे नाही, असे ठरले होते. परंतु, काही ठिकाणी ते घेण्यात आले. याबाबत मी संबंधित पक्षप्रमुखांशी चर्चा करणार आहे. आमच्या काही पदाधिकाऱ्यांना पक्षात घेतल्याने संबंधित पक्षातील मूळ उमेदवार नाराज होण्याची शक्यता आहे. उमेदवारी मिळण्यासाठी हे उमेदवार वाट बघत होते. आता तेही संधी शोधतील. काही सहकारी मला भेटले आहेत.

प्रभागातील चारही उमेदवार निवडून यावेत, हा माझा प्रयत्न आहे. पक्षप्रवेश देण्यास कोणी सुरुवात कोणी केली तर दुसराही गप्प बसत नाही, अशा शब्दांत पवार यांनी भाजपला आव्हान दिले. दोन्ही राष्ट्रवादीच्या आघाडीला राष्ट्रवादी काँग्रेस शरदचंद्र पवार पक्षाचे शहराध्यक्ष प्रशांत जगताप यांनी विरोध केला आहे, याकडे लक्ष वेधले असता, ‘प्रत्येकाला मत मांडण्याचा अधिकार आहे,’ असे उत्तर देऊन पवार यांनी हसत हसत आघाडीचे संकेत दिले.

Baramati Election Result: बालेकिल्ल्यात अजित दादांना मतदारांचा राजकीय ‘षटकार’, बारामतीकरांनी दिला अनपेक्षित धक्का
राष्ट्रवादी काँग्रेस शरदचंद्र पवार पक्षाशी आघाडी केल्यास राष्ट्रवादी काँग्रेसला सत्तेत वाटा मिळणार नाही, असे आव्हान महसूल मंत्री चंद्रशेखर बावनकुळे यांनी दिले होते. याबाबत विचारले असता, भाजपच्या दिल्लीतील नेतृत्वाशी आणि मुख्यमंत्री देवेंद्र फडणवीस यांच्याशी मी चर्चा करीन, असे सांगून अजित पवार यांनी बावनकुळेंच्या विधानाला फार महत्त्व देत नसल्याचे अप्रत्यक्षपणे सांगितले.

माणिकराव कोकाटे यांचे प्रकरण १९९५ मधील आहे. तीस वर्षांत ते अनेक पक्षाकडून आमदार झाले. ते आता सर्वोच्च न्यायालयात दाद मागणार आहेत. त्यांचे खाते माझ्याकडे आहे. धनंजय मुंडे यांनी त्याच वेळी केंद्रीय गृहमंत्री अमित शहा यांची भेट घेतली हा योगायोग आहे, असे त्यांनी स्पष्ट केले. सातारा अंमली पदार्थ प्रकरणातील दोषींवर कारवाई करण्याचे आदेश दिले आहेत. आमच्या पक्षाचा कोणी असेल तरी पाठीशी घातले जाणार नाही, असे पवार यांनी सांगितले.