विधानसभेला अभिजीत बिचुकले बारामती आणि सातारा-जावळी अशा दोन मतदारसंघांमधून लढले होते. बारामतीत बिचुकले यांना केवळ ६८ मतं मिळाली होती. त्यामुळे त्यांची अनामत रक्कम जप्त झाली होती. सातारा-जावळी मतदारसंघात बिचुकले यांनी ५२९ मतं मिळाली. पण आता बिचुकले यांची कामगिरी आधीपेक्षा सुधारली आहे. सातारा नगरपालिकेची निवडणूक अपक्ष लढणाऱ्या अभिजीत बिचुकले यांना २ हजार ७७२ मतं मिळाली. ते अपक्ष उमेदवारांमध्ये दुसऱ्या स्थानी राहिले. तर एकूण उमेदवारांचा विचार केल्यास चौथ्या क्रमांकावर राहिले. तिसऱ्या क्रमांकावरील शरद काटकर यांना ३९०० मतं मिळाली.
Solapur Election Result: पवारांचा खासदार एकटा नडला, भाजपला भारी पडला; अख्ख्या जिल्ह्यात फडणवीसांच्या शिलेदाराला धक्का
विधानसभेला बिचुकले यांना ६०० मतांच्या पुढे जाता आलं नव्हतं. पण सातारा नगरपालिकेत त्यांनी अडीच हजारांहून अधिक मतं घेत थेट चौथा क्रमांक पटकावला. या निवडणुकीत भाजपचे नगराध्यक्षपदाचे उमेदवार अमोल मोहिते ४२ हजार ३२ मतांनी विजयी झाले. खासदार उदयनराजे भोसले आणि मंत्री शिवेंद्रराजे भोसले यांनी त्यांची ताकद मोहिते यांच्या मागे उभी केली होती. दोन राजे पाठिशी असल्यानं मोहिते यांच्यासाठी लढत सोपी झाली.
Badlapur Ambernath Election Result: शिंदेंच्या होमपीचवर कमळ, सेनेच्या 2 बालेकिल्ल्यांना सुरुंग; फुटीनंतरच्या पहिल्याच निवडणुकीत दणका
सातारा नगरपालिका निवडणुकीत भाजपच्या अमोल उदयसिंह मोहिते यांना ५७ हजार ५८७ मतं मिळाली. तर त्यांच्या विरोधात उभ्या राहिलेल्या महाविकास आघाडीच्या उमेदवार सुवर्ण पाटील यांना केवळ १५ हजार ५५५ मतं मिळाली. भाजपच्या अमोल मोहिते यांनी रेकॉर्डब्रेक कामगिरी करत ४२ हजार ३२ मतांनी विजय मिळवला. अभिजीत बिचुकले यांनी विधानसभा निवडणुकीपेक्षा अधिक मतं मिळवली आहेत. पण आताही त्यांची अनामत रक्कम जप्त झाली आहे.