सोलापूर जिल्ह्याच्या राजकारणात मोहोळ म्हणजे राजन पाटील आणि राजन पाटील म्हणजेच मोहोळ, असं समीकरण गेल्या अनेक दशकांपासून दृढ झालं होतं. मात्र वर्षभरात झालेल्या सलग दोन निवडणुकांमध्ये राजन पाटील गटाच्या पराभव पदरी आल्याने हे समीकरण मोडीत निघालं. आधी विधानसभा निवडणूक आणि आता नगरपरिषद निवडणुकीत विरोधकांच्या एकजुटीने राजन पाटलांचा धुव्वा उडवला. मोहोळ नगरपरिषद निवडणुकीत राजन पाटील यांच्या नेतृत्वाखालील भाजपच्या नगराध्यक्षपदाच्या उमेदवाराला पराभवाचा धक्का सहन करावा लागला. जवळपास ३० वर्षे मोहोळवर राज्य केलेल्या राजन पाटील यांच्या बालेकिल्ल्याला विरोधकांनी कसं भगदाड पाडलं, हेच आपण या व्हिडिओतून समजून घेणार आहोत. नमस्कार, मी अक्षय शितोळे आणि आपण पाहताय महाराष्ट्र टाइम्स ऑनलाइन….