नेमकं काय घडलं?

मृत रुक्मिणी यांचे पती प्रदिप भालेराव हे नेकपूर येथील एका मुकबधिर शाळेत शिक्षक म्हणून कार्यरत आहेत. घटनेच्या काही दिवस आधी प्रदिप यांनी पत्नीला कोणतीही कल्पना न देता बँकेतून मोठे कर्ज काढले होते. ही कर्जाची रक्कम त्यांनी स्वतःच्या बहिणीला (स्वाती) जमीन खरेदी करण्यासाठी दिली होती. जेव्हा रुक्मिणी यांनी या आर्थिक व्यवहाराबाबत पतीला विचारणा केली, तेव्हापासून त्यांचा छळ सुरू झाला. पतीला साथ देत नणंद, नंदोवा आणि इतर नातेवाईकांनी रुक्मिणी यांना फोनवरून धमकावणे आणि मानसिक त्रास देण्यास सुरुवात केली.
Crime News: असं नको करु रे.. डोळ्यासमोरच लेकाने पत्नीला संपवलं, करवत घेतली अन्… बाप ओरडत राहिला

सासरच्या जाचाला कंटाळून रुक्मिणी यांनी स्वत:ला पेटवून घेत जीव दिला

सासरच्यांच्या सततच्या जाचाला कंटाळून रुक्मिणी यांनी 14 ऑक्टोबर 2025रोजी दुपारी आपल्या राहत्या घरी स्वतःला पेटवून घेतले. त्यांन तातडीने अंबाजोगाई येथील सरकारी रुग्णालयात दाखल करण्यात आले होते. मात्र, त्या 70 – 80 टक्के भाजल्या असल्याने त्यांची प्रकृती चिंताजनक होती. अखेर 21 ऑक्टोबर 2025 रोजी रात्री उपचार सुरू असताना त्यांचा मृत्यू झाला.

रुक्मिणी यांचे भाऊ भागवत राजेंद्र डोरले यांनी दिलेल्या तक्रारीवरून पोलिसांनी प्रदिप गोरखनाथ भालेराव (पती), स्वाती जालींदर सुरवसे (नणंद), जालींदर उर्फ बाबु सुरवसे (नंदावा), राणी महेश आगलावे (नणंद), गणेश बप्पासाहेब जिरेकर (चुलत मामाचा मुलगा) यांच्यावर आष्टी पोलीस ठाण्यात भारतीय न्याय संहिता (BNS) 2023 च्या कलम 108 आणि 3 (5) अन्वये गुन्हा दाखल करण्यात आला आहे. सहाय्यक पोलीस उपनिरीक्षक नामदेव यादवराव धनवडे या प्रकरणाचा अधिक तपास करत आहेत.