नेमकं काय घडलं?

ही दुर्घटना गुरुवारी दुपारी सुमारे चार वाजण्याच्या सुमारास घडली आहे. आमसरी फाट्यासमोरून वेगात आलेल्या ट्रकने दुचाकीला समोरासमोर जोरदार धडक दिली. या दुचाकीवर शीतल दिलीप बोंबटकर, त्यांची लहान मुलगी श्रावणी दिलीप बोंबटकर आणि पती दिलीप प्रभाकर बोंबटकर प्रवास करत होते. अपघाताची तीव्रता इतकी होती की शीतल बोंबटकर आणि चिमुकली श्रावणी यांनी घटनास्थळीच प्राण सोडले. गंभीर धडकेत दिलीप बोंबटकर हे मात्र थोडक्यात बचावले.Ahilyanagar News: ‘आज उडवणार’ थेट जिल्हाधिकारी कार्यालय बॉम्बने…, धक्कादायक धमकीमुळे शहर हादरलं

अपघातानंतर घटनास्थळी एकच गोंधळ उडाला. यावेळी रस्त्यावर मोठ्या प्रमाणात गर्दी जमली होती. स्थानिक नागरिकांनी तात्काळ मदत देण्याचा पुरेपूर प्रयत्न केला, मात्र धडकेचा जोर इतका प्रचंड होता की आई-लेकीचा जीव वाचवणे शक्य झाले नाही. दरम्यान, मृत शीतल बोंबटकर आणि श्रावणी या नारायणपूर (निमगावजवळ) येथील रहिवासी असल्याची माहिती मिळते आहे.

या भीषण अपघातानंतर संबंधित ट्रकचालक घटनास्थळावरून फरार झाला आहे. या घटनेची माहिती मिळताच पोलीस तत्काळ घटनास्थळी दाखल झाले. पोलिसांनी पंचनामा केला आहे. तसेच मृतदेह ताब्यात घेतले असून पुढील कायदेशीर प्रक्रिया सुरू करण्यात आली आहे. या अपघाताला कारणीभूत असलेला फरार ट्रकचालकाचा शोध युद्धपातळीवर सुरू असल्याचे पोलिसांनी सांगितले आहे.

या दुर्दैवी घटनेमुळे संपूर्ण परिसरातून तीव्र हळहळ व्यक्त करण्यात येत आहे. एका हसत्या खेळत्या कुटुंबावर ओढवलेल्या या दुःखद प्रसंगाने सर्वत्र शोककळा पसरली आहे. नागरिकांकडून रस्ते अपघात रोखण्यासाठी कठोर उपाययोजनांची मागणी केली जात आहे. भरधाव वाहनांवर नियंत्रण ठेवावे आणि अशा अपघातांना आळा घालावा, अशी अपेक्षा या घटनेनंतर स्थानिक नागरिक व्यक्त करत आहेत.