ठाणे : अंबरनाथमधील भारतीय जनता पार्टीचे उमेदवार Pawan Walekar पॅनल क्रमांक चार यांच्या कार्यालयावर गोळीबार झाल्याची धक्कादायक घटना मध्यरात्रीच्या सुमारास घडली आहे. भाजपच्या उमेदवाराच्या Ambernath Firing करुन दहशत पसरवण्याचा प्रयत्न करण्यात आला असल्याचं आता समोर आलं आहे. दरम्यान, ही घटना सीसीटीव्ही कॅमेऱ्यात देखील कैद झाली आहे. विशेष म्हणजे आज अंबरनाथ येथे राज्याचे मुख्यमंत्री देवेंद्र फडणवीस यांची सभा आहे. त्यामुळे पोलीस प्रशासनाच्या कामावर प्रश्न उपस्थित केला जात आहे.
एकीकडे निवडणुकांची जोरदार तयारी सुरू असताना झालेल्या Ambernath Firing मुळे शहरात खळबळ उडाली आहे. त्याचबरोबर कायदा व सुव्यवस्थेचा प्रश्न उपस्थित झाला आहे. ही घटना मध्यरात्री 12 वाजण्याच्या सुमारास घडल्याची माहिती समोर आली आहे. अंबरनाथ पश्चिम भागातील शंकर मंदिर परिसरात पवन वाळेकरयांचं कार्यालय आहे.
Accident News : परीक्षेला जाताना नियंत्रण सुटलं, भीषण अपघातात डोक्याला जबर मार, घरचा कर्ता लेक गेल्यानं कुटुंबीयांचा आक्रोश
नेमकं काय घडलं?
दुचाकीवरून दोन अज्ञात इसम आले आणि त्यांनी कार्यालयाच्या समोर उभे राहून अचानक कार्यालयाच्या दिशेने3-4 राऊंड फायर केले. गोळीबाराचा आवाज ऐकून कार्यालयातील सुरक्षारक्षक बाहेर आले, हल्लेखोरांनी त्यांच्यावरही गोलीबार केला. या गोळीबारात सुदैवाने कोणतीही जीवितहानी झालेली नाही, मात्र गोळीबारात वाळेकर यांचा सुरक्षारक्षक जखमी झाला आहे. भरवस्तीत अशा प्रकारे गोळीबार झाल्याने नागरिकांमध्ये भीतीचं निर्माण झालं आहे. या घटनेची सर्व दृश्ये कार्यालयाबाहेर असलेल्या सीसीटीव्ही कॅमेऱ्यात कैद झाली आहेत.
घटनेनंतर या प्रकरणातील दोषींना तात्काळ अटक करून गुन्हा दाखल करावा, अशी मागणी त्यांनी केली आहे. पोलीस सध्या सीसीटीव्ही फुटेजच्या आधारे आरोपींचा शोध घेत आहेत. उमेदवाराच्या कार्यालयावर झालेला हा हल्ला झाल्याने काही प्रमाणात परिसरात दहशतीचं वातावरण निर्माण झालं आहे.
Buldhana Accident : MBBS साठी पात्र ठरलेल्या ऋतुजाचं डॉक्टर होण्याचं स्वप्न अधुरं राहिलं… बुलढाण्यात हळहळ, काय घडलं?
नावं सांगूनही गुन्हा दाखल नाही
भारतीय जनता पार्टीचे उमेदवार पवन वाळेकर पॅनल क्रमांक चार यांच्या कार्यालयावरती अज्ञातंकडून गोळीबार करण्यात आला असून गोळीबार करणाऱ्या अज्ञात दोन व्यक्तींवर गुन्हा दाखल करण्यात आला आहे. मात्र, पोलिसांना गोळीबार करणाऱ्यांचे नाव सांगूनही गुन्हा दाखल केला जात नसल्याचा आरोप भाजपचे माजी आमदार नरेंद्र पवार यांनी केला आहे. नरेंद्र पवार, गुलाबराव करंजुळे यांच्यासह कार्यकर्त्यांनी अंबरनाथ पोलीस स्टेशनबाहेर ठिय्या आंदोलन केले, तर आज संध्याकाळी अंबरनाथ मध्ये मुख्यमंत्री देवेंद्र फडणवीस यांची जाहीर सभा होणार आहे.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा