मुंबई: कोकण रेल्वेच्या प्रवाशांसाठी एक आनंदाची बातमी आहे. नाताळ आणि नवीन वर्षाच्या पार्श्वभूमीवर कोकण रेल्वेकडून विशेष गाड्या सोडण्यात येणार आहेत. त्यामुळे सणासुदीच्या काळात प्रवाशांना गर्दीचा सामना करावा लागणार नाही. मात्र, या विशेष गाड्यांसाठी प्रवाशांकडून अतिरिक्त भाडे आकारले जाणार आहे. जाणून घेऊया या गाड्या कुठून कुठपर्यंत धावणार आहेत आणि त्यांचे वेळापत्रक काय आहे.मध्य प्रदेश ते कर्नाटक
नाताळ आणि नवीन वर्षानिमित्त कोकण रेल्वे मार्गावर मध्य प्रदेश, छत्तीसगड, गोवा आणि कर्नाटककडे जाणाऱ्या विशेष गाड्या सोडण्यात येणार आहेत. कोकण रेल्वे आणि पश्चिम रेल्वेच्या समन्वयाने मध्य प्रदेशातील डॉ. आंबेडकर नगर ते कर्नाटकातील ठोकूर दरम्यान विशेष रेल्वेगाडी चालवली जाणार आहे. या गाड्याांना महाराष्ट्रात वसई रोड, भिवंडी रोड, पनवेल, रोहा, मानगाव, खेड, चिपळूण, रत्नागिरी, राजापूर रोड, वैभववाडी, कनकवली, सिंधुदुर्ग, कुडाळ आणि सावंतवाडी स्थानकांवर थांबे देण्यात आले आहेत.
Navi Mumbai News: नवी मुंबईकरांसाठी रेल्वेकडून आणखी एक गिफ्ट! 10 वाढीव लोकल फेऱ्या सुरू; कुठे आणि कसे असेल वेळापत्रक?
मध्य प्रदेश ते कर्नाटक
गाडी क्रमांक 09304 मध्य प्रदेशातील डॉ. आंबेडकर नगर ते कर्नाटकातील ठोकूर विशेष गाडी 21 आणि 28 डिसेंबर रोजी डॉ. आंबेडकर नगर येथून दुपारी 4.30 वाजता सुटेल. ही गाडी तिसऱ्या दिवशी रात्री 3 वाजता ठोकूर येथे पोहोचेल. त्याचप्रमाणे गाडी क्रमांक 09303 ठोकूर–डॉ. आंबेडकर नगर विशेष गाडी 23 आणि 30 डिसेंबर रोजी ठोकूर येथून पहाटे 4.45 वाजता सुटेल आणि दुसऱ्या दिवशी दुपारी 3.30 वाजता डॉ. आंबेडकर नगर येथे पोहोचेल.
बिलासपूर ते मडगाव
याशिवाय कोकण रेल्वे आणि दक्षिण पूर्व मध्य रेल्वेच्या सहकार्याने छत्तीसगडमधील बिलासपूर ते गोव्यातील मडगाव दरम्यानही विशेष गाडी चालवली जाणार आहे. गाडी क्रमांक 08241 बिलासपूर–मडगाव एक्स्प्रेस 20 व 27 डिसेंबर तसेच 3 व 10 जानेवारी रोजी दुपारी 2.45 वाजता बिलासपूरहून सुटेल. ही गाडी तिसऱ्या दिवशी रात्री 2.15 वाजता मडगाव येथे पोहोचेल. तर गाडी क्रमांक 08242 मडगाव–बिलासपूर एक्स्प्रेस 22 व 29 डिसेंबर तसेच 5 व 12 जानेवारी रोजी मडगाव जंक्शनहून पहाटे 5.30 वाजता सुटेल आणि दुसऱ्या दिवशी दुपारी 4 वाजता बिलासपूर येथे पोहोचेल.
Supriya Sule | इंडिगो विमानसेवा विस्कळीत, भारत सरकारने ॲक्शन घ्यावी; सुप्रिया सुळे भडकल्या
या सर्व विशेष गाड्या 18 डब्यांच्या असतील. या गाड्यांचे बुकींग आयआरसीटीसीच्या वेबसाईटवरून करता येणार असून, विशेष गाड्या असल्याने प्रवाशांकडून अतिरिक्त भाडे आकारले जाणार आहे.
लेखकाबद्दलसानिया कदमसानिया कदम, मटा ऑनलाईनमध्ये कन्सल्टंट पदावर कार्यरत आहे. प्रामुख्याने क्राइम, सिव्हिक आणि पॉलिटिक्स या बातम्या कव्हर करते. याआधी सहा महिने महाराष्ट्र टाइम्स प्रिंटमध्ये कॉलेज क्लब रिपोर्टर म्हणून काम केले आहे. त्या काळात कॉलेज इव्हेंट्स, शैक्षणिक उपक्रम आणि सोशल मीडियावरील ट्रेंड्सवर बातम्या केल्या. मुलुंड वाणिज्य महाविद्यालयातून BMM मध्ये पदवी घेतल्यानंतर सध्या के.सी. महाविद्यालयात MA in Communication and Journalism करत आहे. इंटरनॅशनल घडामोडी आणि पॉप कल्चर हे विषय विशेष आवडीचे असून इंग्लिश आणि मराठी या दोन्ही भाषेत वाचन व लेखन करण्याची आवड आहे.… आणखी वाचा