काही वर्षांपूर्वी मुलाची आत्महत्या

घटनेची माहिती मिळताच जिल्हा पोलीस अधीक्षक श्रीकांत धिवरे, अप्पर पोलीस अधीक्षक अजय देवरे, उपविभागीय पोलीस अधिकारी राजकुमार उपासे आणि मोहाडी पोलीस ठाण्याच्या पोलीस निरीक्षक शिल्पा पाटील यांनी तात्काळ घटनास्थळी धाव घेतली. तपासासाठी श्वान पथक आणि ठसे तज्ञांनाही पाचारण करण्यात आलं आहे. स्थानिकांनी दिलेल्या माहितीनुसार, लिलाबाईंच्या मुलाने देखील काही वर्षांपूर्वी गळफास घेऊन आत्महत्या केली होती, त्यामुळे त्या घरात एकट्याच होत्या. पोलीस अधीक्षकांच्या मार्गदर्शनाखाली पोलिसांनी वेगाने तपासाची चक्रे फिरवली असून, लवकरच आरोपींना जेरबंद केलं जाईल, असा विश्वास व्यक्त केला जात आहे.

Pune Crime: पुण्याजवळ धक्कादायक घटना; लॉजवर सुरू होता भलताच प्रकार, पोलिसांनी छापा टाकताच उडाली खळबळ

वृद्धेच्या हत्येनंतर पालकमंत्री ॲक्शन मोडमध्ये

धुळे शहरातील मोहाडी उपनगरात 70 वर्षीय वृद्ध महिलेची झालेल्या निर्घृण हत्येच्या घटनेनं संपूर्ण जिल्हा हादरला आहे. या प्रकरणाचं गांभीर्य लक्षात घेऊन जिल्ह्याचे पालकमंत्री जयकुमार रावल यांनी आज स्वतः घटनास्थळी भेट दिली. त्यांनी परिसरातील परिस्थितीचा आढावा घेतला आणि पोलीस अधिकाऱ्यांकडून तपासाची सविस्तर माहिती जाणून घेतली. या भेटीनंतर त्यांनी नागरिकांशी संवाद साधत त्यांना धीर दिला.

Karjat – Panvel Railway : कर्जत-पनवेल लोकल लवकरच सुरू, 300 मीटर लांबीचा बोगदा पूर्ण; कुठे-कसा आहे मार्ग?

घटनास्थळावरून परतल्यानंतर माध्यमांशी बोलताना पालकमंत्री जयकुमार रावल यांनी तीव्र शब्दांत संताप व्यक्त केला. ‘ही माणुसकीला काळिमा फासणारी घटना असून, याचा मी तीव्र निषेध करतो,’ असं ते म्हणाले. त्यांनी पोलीस अधीक्षक आणि वरिष्ठ अधिकाऱ्यांना या प्रकरणात तातडीने सखोल आणि निःपक्षपाती चौकशी करून गुन्हेगारांना अटक करण्याचे स्पष्ट आदेश दिले आहेत. तसेच, हा खटला जलदगती न्यायालयात चालवून दोषींना फाशीची शिक्षा मिळवून देण्यासाठी सरकार सर्वतोपरी प्रयत्न करेल, अशी ग्वाही देखील पालकमंत्री रावल यांनी दिली.