नेमकं काय घडलं?

मुलीला उलटीचा त्रास होत असल्याने शिरूर शहरातील गुरुदत्त रुग्णालय येथे दाखल करण्यात आलं होतं. संस्कृतीवर दोन दिवस उपचार सुरू होते. मात्र, 3 नोव्हेंबर रोजी मध्यरात्री तिला श्वास घेण्यास त्रास होऊ लागला. कुटुंबीयांचा आरोप आहे की, डॉक्टरांनी या गंभीर लक्षणांचं योग्य निदान केलं नाही आणि योग्य वेळी उपचार न केल्यामुळेच चिमुकलीचा मृत्यू झाला.
Pune News : पुण्यात चाललंय काय? ‘तु आमची टीप देतोस का?’, मुलीसमोरच वडिलांवर हल्ला; पुतण्याकडून आरोपीचं घर गाठलं अन्… धक्कादायक घटना

नागरिकांचा संताप

संस्कृतीच्या मृत्यूसाठी गुरुदत्त रुग्णालयाचे डॉ. प्रशांत ढाकणे यांचा निष्काळजीपणा आणि चुकीचे उपचार जबाबदार असल्याचा आरोप तिच्या आई-वडिलांनी आणि नातेवाईकांनी केला आहे.या घटनेनंतर संतप्त झालेल्या नातेवाईकांनी आणि नागरिकांनी शिरूर शहरातील मुख्य चौकात एकत्र येत ठिय्या आंदोलन केलं आणि डॉक्टरांविरोधात संताप व्यक्त केला. पीडित कुटुंब आणि नातेवाईक डॉक्टरांवर कडक कारवाई करण्याची मागणी करत आहेत.
Jalgaon News : साखरपुडा झालेला, महिन्याभरात लग्न… पण नियतीने डाव साधला; सुखी संसाराच्या स्वप्नांचा चुराडा, तरुणीच्या मृत्यूने कुटुंबाला धक्का

न्याय न मिळाल्याने धरणे आंदोलन

संस्कृतीच्या पालकांनी डॉक्टरविरुद्ध तक्रार दाखल केली. तक्रार केल्यानंतर या घटनेला एक महिना उलटून गेला आहे. तरीही, त्यांना अद्याप न्याय मिळाला नसल्याचा त्यांचा आरोप आहे. त्यामुळे हताश झालेल्या मुलीच्या आई-वडिलांनी आणि नातेवाईकांनी आता तहसील कार्यालयासमोर न्याय मिळेपर्यंत धरणे आंदोलन सुरू केलं आहे.

माझा न्यायव्यवस्थेवर विश्वास

ज्या डॉ. प्रशांत ढाकणे यांच्यावर हे गंभीर आरोप आहेत, त्यांना याविषयी विचारणा केली असता त्यांनी कोणतीही प्रतिक्रिया देण्यास नकार दिला. त्यांनी केवळ “न्याय व्यवस्थेवर विश्वास आहे, मला काही प्रतिक्रिया द्यायची नाही” असं बोलून या प्रकरणावर बोलणं टाळलं.

दरम्यान, पीडित कुटुंबाला लवकरात लवकर न्याय मिळावा, यासाठी प्रशासनाने तातडीने या प्रकरणाची सखोल चौकशी करावी, अशी मागणी शिरूर शहरातील नागरिक करत आहेत.