नेमकं प्रकरण काय?

लातूरमधील औसा तालुक्यातील वानवडा रोडवर 13 डिसेंबर 2025 रोजी रात्री सुमारे 11.30 वाजता एका कारला आग लागून ती पूर्णपणे जळाली होती. कारमध्ये एक व्यक्ती जळून मृत्यूमुखी पडला होता. या प्रकरणाचा तपास करताना औसा पोलीस व स्थानिक गुन्हे शाखेने महत्त्वपूर्ण कामगिरी करीत गुन्हा उघडकीस आणला आहे. कर्जबाजारीपणामुळे विम्याची रक्कम मिळवण्यासाठी आरोपीने अनोळखी व्यक्तीला लिफ्ट देऊन त्याची हत्या करून कार जाळली असल्याचं समोर आलं आहे.

Pune News : इकडे महापालिका निवडणुकांची घोषणा! पुण्यात भाजप-राष्ट्रवादी एकत्र लढणार?; CM देवेंद्र फडणवीसांनी थेट सांगितलं

स्वतःच्याच मृत्यूचा बनवला प्लॅन

अटकेतील आरोपी गणेश गोपीनाथ चव्हाण (रा. विठ्ठल नगर, औसा) हा मयत बळीराम राठोड यांचा मेहुणा असून तो त्यांची कार क्र. MH 43 AB 4200 वापरत होता. आर्थिक अडचणीत सापडलेला गणेश गेल्या तीन वर्षांपासून एक कोटी रुपयांचा टर्म इन्शुरन्सधारक होता. त्याच्यावर सुमारे 57 लाख रुपयांचं कर्ज होतं. कर्ज फेडण्यासाठी व कुटुंबाला विम्याची रक्कम मिळावी यासाठी त्याने स्वतःची आत्महत्या किंवा दुसऱ्या व्यक्तीची हत्या करून तो स्वतःचा असल्याचा बनाव करण्याचा विचार गेल्या एक महिन्यापासून करत होता.

लिफ्ट मागणाऱ्याची केली हत्या

13 डिसेंबर रोजी रात्री 10 वाजता घरातून बाहेर पडलेल्या गणेशने याकतपूर नपूर रोड चौकात गोविंद किशन यादव (वय 50, रा. पाटील गल्ली, औसा) यांना लिफ्ट दिली. दारूच्या नशेत असलेल्या गोविंदला ड्रायव्हर सीटवर बसवून सीट बेल्ट लावले. सीटवर माचीसच्या काड्या व प्लास्टिक पिशव्या टाकून आग लावली व पेट्रोल टाकीचं झाकण उघडं ठेवून तो पसार झाला. कार पूर्ण जळाल्यानंतर गणेश सिंधुदुर्ग जिल्ह्यातील विजयदुर्ग येथे पसार झाला होता. मात्र, पोलिसांच्या संयुक्त पथकाने त्याचा पाठलाग करून अटक केली.

Raigad News: लग्नाचं आमिष, शरीरसंबंध आणि मग धमकी! पेणमध्ये महिलेसोबत धक्कादायक प्रकार

गणेश चव्हाण एका महिलेच्या संपर्कात

गणेश चव्हाण या घटनेनंतर एका महिलेच्या संपर्कात होता. महिलेला ताब्यात घेतल्यानंतर गणेश वेगळ्याच नंबरवरून महिलेसोबत मेसेजवरत बोलत होता. यामुळे पोलिसांना त्याच्या लोकेशनचा सुगावा लागला आणि त्या दिशेने पोलीस रवाना झाले. त्याला सिंधुदुर्ग येथून ताब्यात घेतलं. सदरील महिलेची चौकशी अद्याप सुरू आहे. यामध्ये त्या महिलेला आधीच काही माहिती होते का? या दृष्टीने पोलिसांची चौकशी सुरू आहे. सदरील महिला त्याची मैत्रीण आहे की प्रेयसी याचाही शोध पोलीस घेत आहेत.

याप्रकरणी औसा पोलीस ठाण्यात गु.र.नं. 521/2025 कलम 103 (1), 238 भा.दं.वी. नुसार गुन्हा दाखल करण्यात आला आहे. स्थानिक गुन्हे शाखेचे पोलीस निरीक्षक सुधाकर बावकर, सहाय्यक निरीक्षक सदानंद भुजबळ व औसा ठाण्याचे निरीक्षक रेवणनाथ डमाळे यांच्या मार्गदर्शनाखाली पथकाने हा गुन्हा उघडकीस आणला.