पुणे आणि पिंपरी – चिंचवडमध्ये भारतीय जनता पक्ष आणि अजित पवारांची राष्ट्रवादी एकत्र निवडणूक लढवणार का? यासंदर्भात अनेक दिवसांपासून चर्चा सुरू होत्या. मात्र, आचारसंहिता जाहीर होताच स्वतः मुख्यमंत्री देवेंद्र फडणवीस यांनी यावरचा सस्पेन्स संपवला असून पुणे आणि पिंपरी – चिंचवडमध्ये अजित पवारांची राष्ट्रवादी आणि भाजप हे युती म्हणून निवडणूक लढणार नसल्याचं त्यांनी स्पष्ट केलं आहे.

Municipal Election : मतदारांनो कृपया लक्ष द्या, एकाच प्रभागात 3 ते 5 नगरसेवक निवडायचे, निवडणूक आयोगाने काय सांगितलं?

देवेंद्र फडणवीस काय म्हणाले?

माझी अजित पवार यांच्यासोबत सविस्तर चर्चा झालेली आहे. आम्हाला दोघांनाही पुण्याच्या राजकारणाची कल्पना आहे, त्यामुळे आम्ही दोघं एकत्रित निवडणूक लढवू शकत नाही. आम्ही जर युती म्हणून सोबत निवडणूक लढवली तर तिसऱ्याचा फायदा होईल हे आम्ही जाणतो. त्यामुळे पुणे आणि पिंपरी – चिंचवडमध्ये आम्ही एकमेकांच्या समोरासमोर निवडणूक लढवणार आहोत आणि असं असलं तरीही लढाई मैत्रीपूर्ण असेल, असं देवेंद्र फडणवीस म्हणाले आहेत. त्यामुळे पुणे आणि पिंपरी – चिंचवड मध्ये महायुती तुटल्याची घोषणाच देवेंद्र फडणवीस यांनी केल्याने आता राष्ट्रवादी आणि भाजप यांचा सामना होणार हे स्पष्ट झालं आहे.

तर दुसरीकडे एकनाथ शिंदे यांच्या शिवसेनेसोबत युती करण्यासंदर्भात आम्ही अत्यंत सकारात्मक असल्याचं देखील देवेंद्र फडणवीस म्हणाले आहेत. इतकच नाही तर एकनाथ शिंदे आणि आम्ही दोघेही एकमेकांच्या पक्षातील नेत्यांना घेणार नाहीत हे देखील आमचं ठरल्याचं देवेंद्र फडणवीस म्हणाले आहेत.

Municipal Election : आयुक्तांच्या घरात 150 आणि टॉयलेटमध्ये 10 मतदार कसे? राज्य निवडणूक आयोगाचा मोठा खुलासा

निवडणुकांचा कार्यक्रम कसा असेल?

29 महापालिकांच्या निवडणुकांसाठी नामनिर्देश पत्र स्वीकारण्याचा कालावधी हा 23 डिसेंबर ते 30 डिसेंबर 2025 असणार आहे. या नामनिर्देशन पत्राची छाननी 31 डिसेंबर 2025 ला होणार आहे. उमेदवारी माघारीची मुदत ही 2 जानेवारी 2026 अशी असणार आहे. तर निवडणूक चिन्ह वाटप आणि अंतिम उमेदवारांची यादी 3 जानेवारी 2026 ला होईल. या महापालिकांसाठी मतदान 15 जानेवारी होईल. तर 16 जानेवारी 2026 ला मतमोजणी होईल, अशी माहिती राज्य निवडणूक आयोगाचे आयुक्त दिनेश वाघमारे यांनी दिली.