यावेळी आरोपीताने फिर्यादी यांचे आणि होणाऱ्या नवऱ्याचे फोटो अनोळखी मोबाईल फोनद्वारे पाठवून तिची बदनामी करण्याचा प्रयत्न केला. या घटनेमुळे महिला मानसिक आणि सामाजिक दृष्ट्या त्रस्त झाली असून तिच्या प्रतिमेवर गंभीर परिणाम झाला आहे.

या प्रकरणी पेण पोलीस ठाण्यात गुरुवारच्या दरम्यान गुन्हा नोंदविला असून, भारतीय दंड संहिता कलम 69, 351(2) व 356(2) अंतर्गत कारवाई करण्यात आली आहे. अधिक तपास महिला पोलीस उपनिरीक्षक वेगुर्लेकर करीत आहेत.

दुपारी पुलावर चढला… क्षणात नदीत उडी! रागाच्या भरात टोकाचा निर्णय, गोदावरीत तरुणाचा दुर्दैवी अंत

स्थानिक नागरिकांनी या घटनेवर चिंता व्यक्त करत महिलांच्या सुरक्षेसाठी कठोर कारवाईची मागणी केली आहे. पोलिसांनीही आश्वासन दिले आहे की आरोपीला लवकर पकडून न्यायालयात हजर केले जाईल अशी माहिती पेण पोलिसांनी दिली आहे.

स्थानिक प्रशासनाने महिलांच्या सुरक्षिततेसाठी पुढाकार घेणे आवश्यक असल्याचे स्थानिकांनी सांगितले. नागरिकांनी अशा घटनांबाबत तक्रार करावी, अन्यथा हा प्रकार पुढे मोठा स्वरूप घेऊ शकतो, असा इशारा पेण पोलिस ठाण्याचे पोलीस निरीक्षक संदीप बागुल यांनी दिला आहे.

५० रियालच्या आमिषाने चार लाखांची फसवणूक

सौदी अरेबियाच्या ५० रियालच्या नोटा स्वस्तात देण्याचे आमिष दाखवून चार लाख रुपयांची फसवणूक केल्याचा प्रकार कळंबोली परिसरात उघडकीस आला आहे. या प्रकरणी उलवे सेक्टर-१७ येथील इम्तियाज अन्सारी यांची फसवणूक झाली असून शब्बीर, एक अनोळखी महिला आणि सद्दाम यांच्याविरोधात कळंबोली पोलीस ठाणे येथे गुन्हा दाखल करण्यात आला आहे. रियाल नोटांची पिशवी देत चार लाख रुपये घेतल्यानंतर पिशवीत केवळ तीन नोटा व कागदांचे रोल आढळून आले. पोलिसांकडून आरोपींचा शोध सुरू असून नागरिकांनी परकीय चलनाच्या आमिषाला बळी न पडण्याचे आवाहन करण्यात आले आहे.