कोल्हापूरच्या कागलमध्ये असणाऱ्या बानगे येथील कोल्हापुरी चप्पलकार…राजेंद्र गोविंदा शिंदे यांनी आपल्या पारंपरिक कलेला आधुनिकतेचा स्पर्श देत…इटलीच्या नागरिकासाठी तब्बल 51 हजार रुपयांची खास कोल्हापुरी चप्पल तयार केलीये. या चप्पलला दिल्ली येथील आंतरराष्ट्रीय व्यापार मेळ्यातही सर्वोत्कृष्ट चप्पलचा सन्मान मिळाला. तीन सळांच्या वेणीपासून बनवलेली सूक्ष्म डिझाईनची, हलक्या वजनातील अनोखी रचना…आणि नैसर्गिक चमक – या सगळ्यामुळे इटलीकरांनाही कोल्हापुरी चप्पलची भुरळ पडली. यानंतर राजेंद्र शिंदे आता गिनीज बुकमध्ये ‘कोल्हापुरी’चा ठसा उमटवण्याच्या प्रयत्नात आहेत. गिनीज बुकमध्ये नोंद होईल अशी कोल्हापुरी चप्पल बनवण्याचा त्यांचा मानस आहे.