नेमकं काय घडलं?

वासुदेव देसले एस.डी.पी.ओ. यांनी दिलेल्या सुचनेनुसार नाशिक तालुका पोलीस स्टेशनचे पोलीस निरीक्षक मृदुला नाईक यांनी घटनास्थळावर दोन तपास पथकं तयार करुन अनोळखी मृताची अंबड, सातपुर एम.आय.डी.सी. परिसरात, सी.सी.टी.व्ही. कॅमेरे, तसंच कंपनीमधील मॅनेजर, बांधकाम साईड येथे बाहेरुन आलेल्यांकडून मृत मजुरांची ओळख पटवण्याचं काम तातडीने सुरू करण्याबाबत तपास पथकाला आदेश दिले होते.
Nandurbar News : थकित हप्त्यासाठी फायनान्स कंपनीचा तगादा, सतत फोन; तणावातून तरुणाचा टोकाचा निर्णय; शहरात हळहळ
त्यानुसार 29 नोव्हेंबर 2025 रोजी तपास पथकाने एम.आय.डी.सीमधील कंपनी व्यवस्थापनाला मृत फोटो पाठवले. त्याप्रमाणे ऋषिकेश अनिल पांडे (रा. सातपुर) याने घटनास्थळी येत मृत अरविंद उर्फ पप्पु पशुपतीनाथ पांडे, वय 40, (ह. रा. सातपुर, नाशिक मु. रा. बडकीस नदीया, ता. आरा, जि. भोजपुर, राज्य बिहार) याचा मृतदेह ओळखला. त्यानंतर तपासाची चक्रं फिरवून आणि मानवी कौशल्य वापरून गुन्ह्यातील आरोपींचा शोध घेण्यात आला.

पोलीस निरीक्षक यांना गुप्त बातमीदारामार्फत माहिती मिळाली होती की, गुन्ह्यातील मृत 28 नोव्हेंबर 2025 रोजी दारु पित होता. तपास पथकामार्फत परिसरातील दारु दुकानांचं सी.सी.टी.व्ही कॅमेरे चेक केले. यावेळी मृत व्यक्तीला मंजय पंडित आणि धर्मेद्र पंडीत रा. बिहार हे दारु पिल्यानंतर मोटार सायकलवर घेऊन गेल्याचं दिसत होतं. त्यानुसार पोलीस निरीक्षक यांनी बातमीदारामार्फत संशयीत आरोपी मंजय पंडीत याचा पुर्ण पत्ता मिळवून तात्काळ तपास पथक बिहार राज्यात पाठवलं.
Mumbai Weather Update : मुंबई गारठली, पारा 15 अंशांखाली; यंदाच्या मोसमातील किमान तापमानाची नीचांकी नोंद
तपास पथकाने अहोरात्र मेहनत करत आरोपी मंजय केशव पंडीत याला त्याच्या राहत्या घरातून ताब्यात घेतलं. कोर्टाने आरोपीला 7 दिवस पोलीस कस्टडी दिली असून त्याच्याकडे गुन्ह्यात वापरलेला चाकू, मोटारसायकल, रक्ताचे कपडे अशा वस्तू आढळल्या आहेत.

गुन्ह्यातील मुख्य संशयित आरोपीची बहिण सातपुरमध्ये राहत असल्याने तिच्याकडून माहिती घेत गुन्ह्यातील आरोपी धर्मेद्र पंडीत हा वृंदावन, उत्तर प्रदेश येथे असल्याची माहिती मिळानी. त्यानंतर वरीष्ठांच्या आदेशान्वये तपास पथक वृंदावन, उत्तर प्रदेश राज्यात पाठवण्यात आले. तपास पथकाने कसोशीने शोध घेत गुन्ह्यातील मुख्य आरोपी धर्मेद्र शिवनारायण प्रजापती (वय 26 मुळ रा. रायपुर, ता. छपरा, जि. सारन, राज्य बिहार ) याला ताब्यात घेतलं आहे. त्यानंतर या संशयिताला न्यायालयात हजर केले असता न्यायालयाने त्याला 3 दिवस पोलीस कस्टडी रिमांड दिली आहे.