काय आहे प्रकरण?

सायबर पोलिसांनी दिलेल्या माहितीनुसार, इन्स्टाग्रामवर आपल्या नावाचे बनावट अकाउंट फोटोसह तयार करण्यात आले आहे. त्या अकाउंटवरून काही महिलांशी अश्लील चॅटिंग केले जात आहे, अशी तक्रार एका महिलेने सायबर पोलिसांत १३ ऑक्टोबर रोजी दाखल केली होती. त्या आधारे सायबर पोलिस ठाण्यात गुन्हा दाखल करण्यात आला.सायबर पोलिस ठाण्याचे निरीक्षक व पथकाने तपास करून संबंधित बनावट इन्स्टाग्राम खात्याची माहिती मिळवली आणि त्याचे तांत्रिक विश्लेषण सुरू केले. तपासामध्ये महिलेच्या नावाने बनावट खाते तयार करणाऱ्या व्यक्तीचे नाव जलील शहा असल्याची माहिती समोर आली.

जलील शहा याला गुन्हे शाखेचे पोलिस निरीक्षक विजयसिंग जोनवाल, सहायक फौजदार कैलास कामठे, दत्ता तरटे, सविता जायभाये, मुकेश वाघ, योगेश तरमाळे, राजेश राठोड, यांनी जलील शहा याला ताब्यात घेतले.

बहिणीच्या मोबाइलचा गैरवापर

पोलिसांनी जलील शहा याच्याकडे चौकशी केली असता त्याने आपण सोशल मीडियावर महिलेच्या नावाने खाते तयार करण्यासाठी बहिणीच्या मोबाइलवर ओटीपी मागवला, अशी माहिती दिली. समाज माध्यमात खाते तयार करण्यासाठी त्याने डीपीवर एका महिलेच्या फोटो आणि नावाचा वापर केला.
Woman Dangles from Balcony : पळ पळ, माझी बायको आली… प्रेयसीशी रोमान्स करताना बायको घरी, तरुणी दहाव्या मजल्याच्या बाल्कनीत लटकली अन्…

तरुणाची ११ लाखांची फसवणूक

दुसरीकडे, घरातून ऑनलाइन पद्धतीने काम करण्याची संधी देतो, असे आमिष दाखवून सायबर चोरट्यांनी पुण्यात एका तरुणाला ११ लाखांना गंडवल्याचा प्रकार समोर आला आहे. या प्रकरणी पीडित तरुणाच्या तक्रारीवरून विमानतळ पोलिसांनी अज्ञात सायबर चोरट्यांविरुद्ध गुन्हा दाखल केला आहे.
Hotel Staff Death : घ्या-घ्या मस्त कोबी-बटाटा बनवलाय! जेवणानंतर हॉटेलमधील चौघांचा मृत्यू, पाच जण गंभीर, नेमकं काय घडलं?
पोलिसांनी दिलेल्या माहितीनुसार, तक्रारदार तरुण लोहगाव परिसरात राहतो. चोरट्यांनी त्याच्या मोबाइल क्रमांकावर मेसेज पाठवून ‘ऑनलाइन काम करा आणि चांगले पैसे मिळवा,’ असे सांगून टास्क देण्यास सुरुवात केली. सुरुवातीला एका छोट्या कामाचे पैसे देऊन त्याचा विश्वास संपादन केला.