पतीचे अनैतिक संबंध, पत्नीचा कडाडून विरोध

मंद्रुप पोलिसांनी दिलेल्या माहितीनुसार, ऊसतोड कामगार जकप्पा मणगेरी पुजारी (रा. हत्ताळी, ता. चडचण, जि. विजयपूर) याचे एका महिलेसोबत अनैतिक संबंध होते. याची माहिती त्याची पत्नी सविताला मिळाली होती. यावरून दोघा पती-पत्नीत नेहमी वाद होत होते. पत्नी नेहमी पतीला त्याच्या अनैतिक संबंधांना विरोध करत असल्याने दोघांमध्ये सतत भांडणं होत होती. हेच भांडण रविवारी विकोपाला गेलं आणि होत्याचं नव्हतं झालं.
Nalasopara News : खेळता-खेळता चिमुकला बेपत्ता, पाच दिवसांनी भयंकर घटना समोर; राहत्या इमारतीमध्येच… परिसरात शोककळा

रागाच्या भरात कोयत्याने सपासप वार

दक्षिण सोलापूर तालुक्यातील वडापूर येथे दत्तात्रय गणेशकर यांच्या शेतात ऊसतोड कामगार म्हणून जकप्पा मणगेरी हा काम करत होता. रविवारी तो वडापूर येथे कामावर पोहोचला. तिथे मणगेरी पती-पत्नीत अनैतिक संबंधांच्या कारणावरून पुन्हा एकदा जोरदार भांडण झालं. रागात पती जकप्पाने पत्नी सविता हिच्या डोक्यावर, गळ्यावर कोयत्याने सपासप वार करून तिची हत्या केली.

या घटनेची माहिती मिळताच उपविभागीय पोलिस अधिकारी संकेत देवळेकर, प्रभारी सहायक पोलिस निरीक्षक ज्ञानेश्वर उधार, मंद्रुपचे पोलिस उपनिरीक्षक राजकुमार डांगे, सहायक फौजदार रवींद्र चव्हाण यांनी घटनास्थळी धाव घेतली. या हत्या प्रकरणात वापरलेला कोयता पोलिसांनी जप्त केला असून आरोपी पती जकप्पा याला पोलिसांनी ताब्यात घेतलं आहे. पुढील तपास फौजदार राजकुमार डांगे करत आहेत.