महालमध्ये आवश्यक त्या ठिकाणी सीसीटीव्ही व कठडे लावण्यात आले आहेत. याशिवाय, एआयच्या मदतीनेही प्रत्येक हालचालींवर लक्ष ठेवण्यात येत आहे. मोर्चाच्या ठिकाणांसह गर्दीच्या ठिकाणीही साध्या गणवेशात पोलिस तैनात करण्यात येत आहेत. मुख्यालयासह सर्वच महत्त्वाच्या स्थळांची बॉम्बशोधक नाशक पथकाद्वारे कसून तपासणी करण्यात येत आहे. यासह विधानभवन, रामगिरी, दीक्षाभूमी, मंत्री व आमदारांच्या निवासस्थानांभोवतीही सुरक्षेत वाढ करण्यात आल्याची माहिती वरिष्ठ सूत्राने दिली. हॉटेल व लॉजचीही कसून तपासणी करण्यात येत आहे.
‘उद्या काय होणार, याबाबत आज कसे सांगता येणार?’, विरोधी पक्षनेता निवडीच्या प्रश्नावर सभापती राम शिंदेंची प्रतिक्रिया
दरम्यान, हिवाळी अधिवेशनासाठी पोलिस सज्ज असून, फोर्सवनही उपराजधानीत दाखल झाली आहे. नागपूर पोलिस हायअलर्टवर आहेत. शहर पोलिसांच्या मदतीला राज्यातील विविध जिल्ह्यांमधून तीन हजार पोलिस अधिकारी व कर्मचारी शहरात दाखल झाले आहेत.
मंत्रिमंडळ बैठकीत महाराष्ट्रासाठी 2 मोठे निर्णय, मिलिंद साठे राज्याचे नवे महाधिवक्ता, शेतकऱ्यांसाठी महत्त्वाचा प्रस्ताव मंजूर
असा आहे ताफा
बंदोबस्ताची जबाबदारी विशेष शाखेचे उपायुक्त शशिकांत सातव यांच्याकडे आहे. बाहेरून येणारे व आयुक्तालयात तैनात पोलिस अधिकारी व कर्मचाऱ्यांची व्यवस्था मुख्यालयाचे पोलिस उपायुक्त दीपक अग्रवाल यांच्याकडे आहे. उपायुक्त लोहित मतानी हे वाहतूक व्यवस्था सांभाळत आहेत. अधिवेशनासाठी राज्यभरातील १० पोलिस उपायुक्त, ३८ साहाय्यक पोलिस आयुक्त, ८० पोलिस निरीक्षक, २३५ साहाय्यक पोलिस निरीक्षक-उपनिरीक्षक, २४०० पोलिस कर्मचारी व ५०० महिला पोलिस नागपुरात आले आहेत. याशिवाय, राज्य राखीव पोलिस दलाच्या पाच कंपन्याही दाखल झाल्या आहेत. पोलिसांसह १४०० होमगार्डही अधिवेशनादरम्यान ठिकठिकाणी तैनात करण्यात आले आहेत.