कारचा अक्षरश: चेंदामेंदा

मिळालेल्या माहितीनुसार, क्रेटा कारमधील चालक रविकुमार तुकाराम दराडे (वय 20, रा. कराड नगर, अहमदपूर) व त्याचा मित्र सागर दिलीप ससाने (वय 20, रा. फतेपूर, अहमदपूर) दोन्ही तरुण शिरूर ताजबंद येथून जेवण करून अहमदपूरकडे भरधाव वेगाने येत होते. दरम्यान, त्याच रस्त्यावरून नांदेडकडे जाणाऱ्या ट्रकला पाठीमागून जोराची धडक दिली. ही धडक इतकी भीषण होती की, कारचा अक्षरश: चेंदामेंदा झाला आणि ती ट्रकच्या खाली पूर्णपणे गेली. अपघातामुळे ट्रकचेही मोठं नुकसान झालं असून, मागील चार टायर तुटून पडल्याचे पोलिसांनी सांगितलं.
Pune Crime : ‘माझी प्रिय दिदी…’; व्हॉट्सअ‍ॅपवर भावनिक स्टेटस, पोलीस कर्मचारी निखिल रणदिवे बेपत्ता, वरिष्ठांवर गंभीर आरोप; पुण्यात खळबळ

कारचा वेग 120 किमी प्रतितास

अपघातानंतर घटनास्थळी उपस्थित असलेल्या पोलिसांनी क्रेटा कारचा वेग 120 ते 140 किमी प्रतितास असण्याची शक्यता वर्तवली आहे. कार ट्रकखाली दबल्याने क्रेनच्या साहाय्याने कार बाहेर काढून मृतदेह बाहेर काढण्यात आले. दोन्ही मयतांचे मृतदेह शासकीय ग्रामीण रुग्णालय, अहमदपूर येथे शवविच्छेदनासाठी पाठवण्यात आले व त्यानंतर ते नातेवाईकांच्या ताब्यात देण्यात आले.

आधी दिपाली लॉजमध्ये गेली, नंतर नगरसेवक संदीपही रूममध्ये घुसला; CCTV मध्ये काय दिसलं? पोलिसांनी सांगितलं…

या घटनेची माहिती मिळताच उपविभागीय पोलीस अधिकारी अरविंद रायबोले व पोलीस निरीक्षक विनोद मेत्रेवार यांनी तातडीने आपल्या सहकाऱ्यांसह अपघातस्थळी धाव घेतली. त्यांनी मदत कार्य करून वाहतूक सुरळीत केली. या प्रकरणी ट्रकचालक मुनीर चुन्नुमीया पाशा यांच्या फिर्यादीवरून अहमदपूर पोलीस स्टेशनमध्ये गु.र.नं. 795/2025 अन्वये भारतीय न्याय संहिता (BNS) च्या कलम 106 (1), 281, 324 (4) (5) अंतर्गत गुन्हा दाखल करण्यात आला आहे. पोउपनि श्रीमंगल यांच्याकडे गुन्ह्याचा पुढील तपास सोपवण्यात आला आहे.