उपमुख्यमंत्री अजित पवार यांच्या नेतृत्वाखालील राष्ट्रवादी काँग्रेसच्या पुण्यातील नेत्या रुपाली पाटील ठोंबरे मागील काही दिवसांपासून राजकीय चर्चेच्या केंद्रस्थानी आहेत. राष्ट्रवादीच्या महिला प्रदेशाध्यक्षा आणि राज्य महिला आयोगाच्या अध्यक्षा रुपाली चाकणकर यांच्यासोबत सुरू असलेल्या वादानंतर, ठोंबरे यांनी पक्षातील अनेक पदांचा राजीनामा दिल्याची माहिती समोर आली होती. यामुळे त्या पक्षात नाराज आहेत अशी चर्चा रंगू लागली. पुढे त्या कोणत्या पक्षात जाणार, यावरही राजकीय वर्तुळात तर्कवितर्कांना उधाण आलं. त्यातच ठोंबरे यांनी सोशल मीडियावर केलेल्या नवीन पोस्टमुळे या चर्चांना आणखी जोर आला आहे.