पोलिसांनी दिलेल्या माहितीनुसार, तक्रारदार महिला पतीपासून विभक्त राहत असून, तिच्या १५ आणि १४ वर्षांच्या दोन मुली आहेत. तिने निवासासाठी आरोपीसोबत राहणे सुरू केले होते. महिला कामानिमित्त घराबाहेर असताना आरोपी मुलींना विविध कामांच्या निमित्ताने बोलावत असे. मालिश करून देण्याच्या नावाखाली त्याने दोन्ही मुलींशी गैरप्रकार केल्याचे उघड झाले असून, धाकट्या मुलीवर अत्याचार करण्याचाही त्याने प्रयत्न केला.
Pune News : शाळेत जाताना स्कूल बसने उडवलं, चिमुरड्याच्या डोक्यावरुन चाक गेलं, पुण्यात पाच वर्षांच्या साईचा आईसमोरच करुण अंत
घटनेची माहिती कोणाला दिल्यास वडिलांकडे परत पाठविण्याची धमकी देऊन आरोपीने मुलींना गप्प बसवण्याचा प्रयत्न केला. मात्र, घाबरलेल्या मुलींनी आईला सर्व हकिगत सांगितली. त्यानंतर महिलेने पोलिसांकडे धाव घेऊन तक्रार दाखल केली. विमानतळ पोलिस प्रकरणाचा तपास करीत आहेत.
Pune News : आपला श्रेयस क्लासमध्येच… पुण्यात अकरावीच्या विद्यार्थ्यासोबत आक्रित, शेलार कुटुंबावर शोककळा, आता डोळे…
शाळकरी मुलीसोबत अश्लील वर्तन
पुणे : सोसायटीतील लिफ्टमध्ये शाळकरी मुलीशी अश्लील वर्तन केल्याप्रकरणी वारजे पोलिसांनी एका व्यक्तीस अटक केली आहे. महेश त्र्यंबकराव चिरलीकर (वय ५३, मूळ देगलूर, नांदेड) असे अटक केलेल्या आरोपीचे नाव असून, त्याच्याविरुद्ध पोक्सो कायद्यान्वये गुन्हा नोंदविण्यात आला आहे. पीडित मुलीच्या आईने वारजे माळवाडी पोलिस ठाण्यात दिलेल्या तक्रारीनुसार, दोन डिसेंबरला त्यांची मुलगी कराटे प्रशिक्षणासाठी गेल्यानंतर सकाळी सुमारे ८.३०च्या सुमारास ती सोसायटीच्या लिफ्टमधून घरी जात होती. याच वेळी लिफ्टमधील आरोपीने मुलीशी अश्लील कृत्य केल्याचा आरोप केला आहे. तक्रार मिळताच पोलिसांनी आरोपीला ताब्यात घेऊन पुढील तपास सुरू केला आहे.