शहरात दोन दिवसांत तापमानात लक्षणीय घट झाली असून, वारे ही संथावले आहे. त्यात वर्दळीच्या चौकांमध्ये वाहतूक कोंडी आणि ठिकठिकाणी सुरू असलेल्या बांधकाम प्रकल्पांमुळे हवेत मिसळले जाणारे धूलिकण वातावरणात अडकून राहत असल्याने हवेची गुणवत्ता ढासळली आहे. बंदी असतानाही सार्वजनिक ठिकाणी जाळल्या जाणाऱ्या कचऱ्यामुळे यात घातक वायूंची भर पडते आहे.

महाराष्ट्र प्रदूषण नियंत्रण मंडळ तर्फे दररोज शहराच्या विविध भागांत हवेची गुणवत्ता जाणून घेण्यासाठी कार्यरत असलेल्या केंद्रातून हवेतील सूक्ष्म धूलिकण (पार्टिक्युलेट मॅटर १०), अतिसूक्ष्म धूलिकण (पीएम २.५ ) यांसह विविध प्रदूषकांच्या नोंदी घेतल्या जातात. या आधारे हवेच्या गुणवत्तेची श्रेणी ठरवली जाते.
Pune News : शाळेत जाताना स्कूल बसने उडवलं, चिमुरड्याच्या डोक्यावरुन चाक गेलं, पुण्यात पाच वर्षांच्या साईचा आईसमोरच करुण अंत
गुरुवारी घेतलेल्या नोंदीनुसार हवेतील सूक्ष्म (पार्टिक्युलेट मॅटर १०) आणि अतिसूक्ष्म धूलिकणांचे (पीएम २.५) प्रमाण अधिक असल्याने शिवाजीनगर, भूमकर चौक, विमाननगर आणि लोहगाव भागात अतिवाईट, तर वाकड, थेरगाव भागात हवेचा दर्जा वाईट नोंदवला गेला. पुणे विद्यापीठ, निगडी, कात्रज, पाषाण भागात मध्यम श्रेणीची नोंद झाली. एकाही केंद्रावर हवेची गुणवत्ता उत्तम अथवा समाधानकारक नोंदवली गेली नाही.
Pune Crime: पतीपासून विभक्त महिलेने आसरा घेतला, तिच्याच अल्पवयीन मुलींसोबत तरुणाकडून भयंकर कृत्य, पुणे हादरलं
शहरातील तापमानात घट झाली आहे. वारा वाहत नसल्याने हवा स्थिर आहे. हवेत मिसळले जाणारे धूलिकण आणि घातक घटक त्याच परिसरात अडकून राहत आहेत. त्यामुळे प्रदूषण वाढले असून, हवेर्ची गुणवत्ता ढासळली आहे. शिवाजीनगर, विमाननगर, भूमकरनगर भागात प्रामुख्याने गुणवत्ता श्रेणी अतिवाईटवर पोहोचली आहे. या चौकांमध्ये वाहतूक कोंडी असतेच, शिवाय बांधकाम प्रकल्प मोठ्या प्रमाणात सुरू आहेत. त्यामुळे हवेत मिसळले जाणारे धूलिकण वातावरणात अडकून राहत आहेत. – डॉ. सचिन घुडे, वरिष्ठ शास्त्रज्ञ, इंडियन इन्स्टिट्यूट ऑफ ट्रॉपिकल मेट्रॉलॉजी