रुद्र सुनील सिंगलधुपे (वय ११) व त्याची बहीण सिमरन सुनील सिंगलधुपे (वय १२) अशी मृतांची नावे आहेत. शेषनाथसिंग जागेश्वरसिंग (वय ५६, सर्व मूळ रा. दोन्ही मूळ रा. बालाघाट, मध्य प्रदेश, सध्या रा. केजीएन सोसायटी, काटोल रोड) असे जखमीचे नाव आहे.

प्राप्त माहितीनुसार, शेषनाथसिंग यांचा दुधाचा व्यवसाय आहे. त्यांच्या घराचे बांधकाम सुरू आहे. सुनील हे पर्यवेक्षक म्हणून काम करतात. ते कुटुंबासह येथेच राहतात. मंगळवारी कामठी येथे शेषनाथसिंग यांच्या नातेवाइकाचे लग्न होते. या लग्नाला जायचे असल्याचा हट्ट रुद्र व सिमरनने धरला. त्यामुळे शेषनाथसिंग हे दोघांना एमएच-३१-एफके-१८११ या क्रमांकाच्या मोटारसायकलने घेऊन कामठी गेले. लग्न आटोपून रात्री १०.३० वाजतापासून सुमारास ते दोघांसह मोटारसायकलने घरी जात होते. संविधान चौकात मागाहून भरधाव आलेल्या एनएल-०१-एजी-०८६८ या क्रमांकाच्या ट्रकने मोटारसायकलला धडक दिली. तिघेही जखमी झाले. रुद्र याचा घटनास्थळीच मृत्यू झाला. अपघातानंतर चालक ट्रकसह पसार झाला.
Nagpur News: अवंतिका लेकुरवाळेंसह 13 जणांविरुद्ध गुन्हा; मतदान केंद्रावर गोंधळ घालून प्रमुखाला धमकी दिल्याचा आरोप
पोलिसांनी सिमरनला मेयो हॉस्पिटलमध्ये तर शेषनाथसिंग यांना खासगी हॉस्पिटलमध्ये दाखल केले. उपचारादरम्यान सिमरनचा मृत्यू झाला. शेषनाथसिंग यांच्यावर उपचार सुरू आहेत. अपघातानंतर फरार ट्रकचालक सहेंद्र पंचम बिन (वय ३७, रा. मिर्झापूर) याला सीताबर्डी पोलिसांनी शोध घेऊन अटक केली. त्याच्याविरुद्ध प्राणांतिक अपघाताचा गुन्हा दाखल केला.

वारेगाव मार्गावर श्रमिकाला चिरडले
जुनी कामठी पोलिस ठाण्याच्या हद्दीतील वारेगाव मार्गावर अज्ञात वाहनाने श्रमिकाला चिरडून ठार केले. मिथुन दुर्योधन मेते (वय ३८, रा. देशकनलग्राम, पश्चिम बंगाल) असे मृताचे नाव आहे. कामठीतील ए. एस. इन्फ्रा कंपनीतर्फे मेट्रोचे काम सुरू आहे. मिथुन तेथे काम करीत होता. तो श्रमिकांच्या परिसरात राहायचा. मंगळवारी रात्री तो पायी जात होता. अज्ञात वाहनाने धडक दिल्याने मिथुन ठार झाला. अपघातानंतर चालक वाहनासह पसार झाला. या प्रकरणी जुनी कामठी पोलिसांनी प्राणांतिक अपघाताचा गुन्हा दाखल करून वाहनचालकाचा शोध सुरू केला आहे.