जिल्ह्यातील ११ नगरपरिेषदांकरीता मंगळवारी मतदान झाले. नगरसेवकपदासाठी १०२८ तर नगराध्यक्षपदासाठी ६१ उमेदवार निवडणुकीच्या रिंगणात होते. त्यांचे भवितव्य मंगळवारी ईव्हीएममध्ये बंद झाले. जिल्ह्यात ३ लाख ७२ हजार ५४३ मतदारांनी मतदानाचा हक्क बजावला. ४१६ केंद्रांवर सकाळी साडेसातपासून मतदानाला सुरुवात झाली, रात्री उशिरापर्यंत मतदान सुरूच होते.

चांदवडमध्ये ७५ टक्के मतदान
चांदवड नगरपरिषदेसाठी मंगळवारी थेट नगराध्यक्षासह १० प्रभागातील २० नगरसेवकपदासाठी मतदान झाले. सकाळपासूनच मतदारांनी केंद्रांवर रांगा लावल्या होत्या. यावेळी ९,६७५ पुरुष व ९,७०२ असे एकूण १९ हजार ३७७ मतदारांपैकी पुरुष व महिला १४ हजार ५०० इतक्या मतदारांनी मतदानाचा हक्क बजावला. सरासरी ७४.८३ टक्के मतदान झाले. किरकोळ अपवाद वगळता अन्य ठिकाणी खेळीमेळीचे वातावरण दिसले.
Devendra Fadnavis: …तर साधुग्राम उभारायचे कुठे? वृक्षतोडीबाबत राजकारण अयोग्य; मुख्यमंत्र्यांची टीका
मनमाडमध्ये टोकन देऊन मतहक्क
येथील नगरपरिषदेच्या पंचवार्षिक निवडणुकीत थेट नगराध्यक्षासह ३१ सदस्य निवडीसाठी मंगळवारी मतदान झाले. काही किरकोळ अपवाद वगळता मतदानप्रक्रिया सुरळीत झाली. सरासरी ६४ टक्के मतदान झाले. सेंट झेविअर्स, नाईक हायस्कूल, गुरू गोविंदसिंग हायस्कूल या मतदान केंद्रांवर मतदान संपण्याच्या काही काळ आधी गर्दी उसळली. त्यामुळे त्यांना टोकन देऊन मतदान सुरू ठेवण्यात आले, रात्री आठ नऊ वाजेपर्यंत रांगा होत्या.
पैशांचाच बोलबाला! मताला 5 ते 25 हजारांचा ‘भाव’; त्र्यंबकेश्वरमध्ये सिंहस्थाआधीच मतदारांचं ‘चांगभलं’
राज्यात दुपारी तीनपर्यंत ४८ टक्के मतदान
मुंबई : राज्यातील २२६ नगर परिषद आणि ३८ नगरपंचायतींसाठी मंगळवारी दुपारी ३.३० वाजेपर्यंत ४८ टक्के मतदान नोंदविण्यात आले. राज्यभरात अनेक ठिकाणी ५.३० वाजल्यानंतरही मतदान सुरू होते. राज्यात अनेक ठिकाणी बोगस मतदानाच्या तक्रारी करण्यात आल्या. तसेच राजकीय पक्षांच्या प्रतिनिधींमध्येही हाणामारी आणि तोडफोडीच्या घटना घडल्या.