अपघाताची तीव्रता इतकी जास्त होती की, राज पवारच्या डोक्याला गंभीर दुखापत होऊन त्याचा घटनास्थळीच मृत्यू झाला. तर करण प्रसाद याच्या उजव्या पायाला जबर दुखापत झाल्याने त्याला तातडीने एमजीएम रुग्णालयात हलवण्यात आले आहे. दोघेही जिवलग मित्र असल्याने गावात या घटनेने हळहळ व्यक्त केली जात आहे.

पेण–खोपोली मार्गावर वाढत्या अपघातांची समस्या चव्हाट्यावर असतानाच ही घटना घडली आहे. याआधीही गणपतीवाडी येथील हॉटेल सौभाग्य इन समोरील अपघातात दोन तरुणांचा मृत्यू झाल्याची घटना ताजी असतानाच पुन्हा एका तरुणाचे निधन झाल्याने स्थानिकांमध्ये संताप आणि भीतीचे वातावरण आहे. वाहतूक कोंडी, वेगाने वाहन चालवणे आणि प्रकाशव्यवस्थेचा अभाव ही या रस्त्यावरील अपघातांची प्रमुख कारणे असल्याचे नागरिकांचे म्हणणे आहे.
Crime Diary: बापरे! स्वत: पेक्षा देखण्या पोरींना संपवायची, आपल्या लेकाचाही जीव घेतला; सायको किलर लेडी कोण?
या अपघाताची नोंद पेण पोलिस ठाण्यात करण्यात आली असून पेण पोलिस निरीक्षक संदीप बागुल यांच्या मार्गदर्शनाखाली पोलिस उपनिरीक्षक चव्हाण अधिक तपास करीत आहेत. अज्ञात वाहनाचा शोध घेण्यासाठी पोलिसांकडून परिसरातील सीसीटीव्ही फुटेज तपासले जात असून साक्षीदारांचीही चौकशी सुरू आहे.

राज वसंत पवार या तरुणाचा अकाली मृत्यू आणि करण प्रसाद गंभीर जखमी असल्याने गांगळ आळी आणि वडगाव परिसरात शोककळा पसरली आहे. वारंवार होणाऱ्या अपघातांमुळे स्थानिकांनी या रस्त्यावर तातडीने सुरक्षा उपाययोजना करण्याची मागणी पुन्हा एकदा जोर धरला आहे.