Chhatarapati Sambhajingar News : छत्रपती संभाजीनगरमध्ये धक्कादायक घटना समोर आली आहे. एका शेतकऱ्याला बनावट लग्न लावणाऱ्या टोळीने तीन लाखांचा गंडा घातला आहे. या घटनेची सध्या जिल्ह्यात चर्चा होत आहे.
या प्रकरणी अशोक सुदाम बांदल (वय २९, रा. रातंजन, ता. कर्जत, जि. अहिल्यानगर) यांनी दिलेल्या तक्रारीनुसार, अशोक बांदल यांचे दहावी शिक्षण झालेले आहे. सध्या ते शेतीचे काम करतात. अशोक बांदल यांचे शिक्षण झालेले नाही. दोन महिन्यापूर्वी त्यांची ओळख अरविंद राठोड (रा. वाशिम ) यांच्याशी झाली. अशोक बांदल यांनी अरविंद राठोड यांना माझे लग्न करणे आहे, असे सांगितले. त्यांनी एक मुलगी ही छत्रपती संभाजीनगरमधील बजाजनगर येथे राहत असल्याचे सांगितले. तिचे वडील मरण पावले. आई आणि भावासह राहते. राठोड याने तीन मुलींचे फोटो अशोक बांदल याच्या मोबाईलवर टाकले. तिघांपैकी माया शिंदे नावाचे मुलीला पसंत केले. सदर मुलीला पसंत केल्यानंतर तुम्हाला लग्न करण्यासाठी सदर मुलीला स्त्री धनासाठी तीन लाख रूपये द्यावे लागतील असे सांगितले. बांदल याने अरविंद गायकवाड याच्यावर विश्वास ठेवला.
मुलगी पसंतीचा कार्यक्रम झाला अन् लग्न संमतीसाठी नोटरीही
दरम्यान, ३० नोव्हेंबर रोजी दुपारी एक वाजेच्या दरम्यान अशोक बांदल, चुलत भाऊ गोरख बांदल सह अन्य नातेवाईक अयोध्यानगर बजाजनगर येथे मुलीच्या घरी पोहोचले. या ठिकाणी मुलगी बघण्याचा कार्यक्रम संपन्न झाला. यानंतर नोटरी करण्यात आली. ही नोटरी मुलीची आई सविता शिंदे, अरविंद राठोड, बुडडा राठोड यांच्यासोबत वकीलाच्या उपस्थितीत शंभर रूपयांच्या बॉन्ड पेपरवर करण्यात आली. नवरदेव आणि नवरीचे संमतीने लग्न होत आहे, असं काही त्यात होतं. स्त्री धनासाठी तीन लाख रूपये देण्याचे ठरले. यानंतर तीन लाख रूपये मुलीच्या आई आणि अरविंद राठोड यांच्या नावाने ट्रान्सफर केले. यानंतर माया शिंदे हिच्या आईच्या संमतीने तिला लग्नासाठी कारमध्ये अशोक बांदल आणि तिच्या परिवारातील सदस्य घेऊन अहिल्यानगरच्या दिशेने निघाले.
लग्नानंतर अवघ्या सहा दिवसांत नवरी गायब, नववधू प्रियकरासोबत…, चक्रावणारं प्रकरण
कार थांबली अन नववधू निघून गेली
मुलगी बघण्याच्या कार्यक्रमानंतर नोटरीसह तीन लाख रूपये पाठविल्यानंतर माया शिंदे हिच्या आईने तिला दुसऱ्या दिवशी लग्नासाठी अशोक बांदल यांच्यासोबत पाठविले. आईच्या संमतीने भावी वधू ही अशोक बांदल यांच्या गाडीतून जात होती. अशोक बांदल यांच्या कारच्या पाठीमागून एक कार आली. या कारने अशोक बांदल यांच्या गाडीला ओव्हरटेक करून कार थांबविली. या कारमधून माया शिंदे ही उतरली आणि समोरच्या कारमध्ये बसून पसार झाली. यानंतर अशोक बांदल यांनी मुलीसह तिच्या अन्य नातेवाईकांना फोन केला असता, फोन बंद होता.ATM मशीनमध्ये ‘कार्ड’ अडकलं, मदत मिळेपर्यंत 43 हजार लंपास, काय घडलं नेमकं?
नववधूचं परिवारही गायब
अशोक बांदल यांच्यासोबत असलेली मुलगी गायब झाल्यानंतर, अशोक बांदल हे मुलीच्या घरी गेल्यानंतर तेथे सदर मुलीची आई, तिचा भाऊ सह सर्वजण गायब झाले हेाते. त्यांना कॉल केला असता, त्यांचाही मोबाईल बंद होता. या प्रकरणात लग्नाचे अमिष दाखवून गंडा घालणाऱ्या अरविंद राठोड, गुड्डा राठोड, मुलीची आई सविता मधुकर शिंदे, वधु मुलगी माया मधुकर शिंदे या चौघांच्या विरोधात एमआयडीसी वाळुज पोलिस ठाण्यात गुन्हा दाखल करण्यात आला आहे. या प्रकरणाचा तपास पोलिस उपनिरीक्षक अरविंद रूस्तमराव शिंदे हे करीत आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा