लातूरच्या उदगीरमध्ये मोठ्या घडामोडी घडत आहेत. उदगीर नगर परिषदेच्या निवडणुकीत प्रचाराची रणधुमाळी सुरु आहे. असं असताना या नगर परिषदेच्या 3 जागांवर तिढा निर्माण झाला आहे. कारण या ठिकाणची निवडणूक पुढे ढकलण्यात आली आहे.
मागील 25 वर्षांपासून उदगीरचे नगराध्यक्षपद विविध प्रवर्गासाठी राखीव राहिले आहे. या निवडणुकीत नगराध्यक्षपद हे सर्वसाधारण महिलेसाठी आरक्षित आहे. भाजपा, काँग्रेस आणि शिंदेसेना या तीन प्रमुख पक्षांच्या महिला उमेदवार उच्च शिक्षित असल्याने नगरपरिषद निवडणुकीत चांगलाच रंग भरला आहे.
उदगीरात भाजप आणि राष्ट्रवादीची युती आहे. युतीच्या उमेदवारांच्या प्रचारार्थ मुख्यमंत्री देवेंद्र फडणवीस यांची सभा झाली. शिंदेसेनेच्या उमेदवारांच्या प्रचारार्थ उपमुख्यमंत्री एकनाथ शिंदे यांची, तर काँग्रेस उमेदवारांच्या प्रचारार्थ माजी मंत्री अमित देशमुख यांची सभा झाली. गत विधानसभा निवडणुकीत माजी मंत्री संजय बनसोडे यांना उदगीर शहरातून मिळालेले मताधिक्य आणि मागील पालिका निवडणुकीत भाजपचे वाढलेले मताधिक्य हे सर्वाधिक आहे.
‘आम्हाला खडसेंचं चॅलेंज नाही, ते 2019 मध्येच संपले’, शिवसेनेच्या संजना पाटील यांचं वक्तव्य
संजय बनसोडे हे शहरात तळ ठोकून प्रचारात आहेत. प्रभाग क्र. ८ अ, प्रभाग क्र. १५ ब, व प्रभाग क्र. १६ ब मधील उमेदवारांनी न्यायालयात अपील दाखल केले आहे. त्यामुळे या तीन सदस्यपदांसाठीची होणारी निवडणूक लांबणीवर गेली आहे. या तीन प्रभागांतून १२ जण निवडणुकीच्या रिंगणात होते. नगराध्यक्ष पदासाठीच्या निवडणुकीसाठी सात महिला रिंगणात असल्या तरी खरी लढत भाजपाच्या स्वाती सचिन हुडे, काँग्रेसच्या खादरी अंजुम फातेमा सय्यद अब्दुला, शिंदेसेनेच्या सुनीता अनिल पंचाक्षरी यांच्यात होत आहे.नाना पटोले यांच्याकडून महाराष्ट्राच्या राजकारणात भूकंप घडणार असल्याचे संकेत, बावनकुळे म्हणाले….
न्यायालयीन अपिल दाखल झाल्यामुळे प्रभाग क्र. ८ अ, प्रभाग क्र. १५ ब, प्रभाग क्र. १६ ब मधील तीन सदस्यांसाठीची निवडणूक लांबणीवर गेली आहे. प्रभाग क्र. ८ अ मधून भाजपा, शिंदेसेना, उद्धवसेना आणि एमआयएम या पक्षाच्या चार महिला रिंगणात होत्या. प्रभाग क्र. १५ ब मधून काँग्रेस आणि भाजपामध्ये दुरंगी लढत होत होती. प्रभाग क्र. १६ ब मधून भाजप, शिवसेना, काँग्रेस, एमआयएम व अन्य दोन उमेदवार असल्याने सहाजण आखाड्यात होते. मात्र, या तिन्ही ठिकाणांच्या तीन सदस्यांसाठीची निवडणूक लांबणीवर पडली आहे. परंतु, प्रभाग क्र. ८ ब, प्रभाग क्र. १५ अ व प्रभाग क्र. १६ अ मधील सदस्यांसाठीची निवडणूक होणार आहे.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा