दारूच्या नशेत पेटला वाद

कोल्हापूर पोलिसांनी दिलेल्या माहितीनुसार, रविवारच्या रात्री मनिष आणि सिद्धू या दोघा मित्रांनी मद्यपानाचा बेत आखला होता. त्यांनी नंतर शहरातील मध्यवर्ती परिसरात एक हॉटेलमध्ये एकत्र जेवणही घेतले. मात्र, किरकोळ कारणावरून त्यांच्यात जोरदार वाद झाला. नशेत असलेल्या अवस्थेत सिद्धूने मनिषला त्याच्या आईविषयी शिवी दिली. यामुळे संतापलेल्या मनिषने राग आवरला नाही आणि बदला घेण्याचा निश्चय केला. काही वेळानंतर दोघेही हॉकी स्टेडियम रोडवरील विश्वपंढरी परिसरात आल्यानंतर मनिषने फूटपाथ जवळील इलेक्ट्रिक पोलला असलेल्या केबलचा वापर करून सिद्धूचा गळा आवळला आणि त्याच केबलने पोलला त्याचा मृतदेह देखील बांधून ठेवला.
Nanded Murder Case: सक्षमला संपवण्याच्या काही तासांपूर्वी भाऊ आंचलला पोलिसांत घेऊन गेलेला, कारण काय?

पहाटे उघडकीस आली घटना

सोमवारी सकाळी मॉर्निंग वॉकला आलेल्या नागरिकांच्या निदर्शनास हा प्रकार आला. त्यांनी तात्काळ पोलिसांना कळवले. घटनास्थळी उपविभागीय पोलीस अधिकारी प्रिया पाटील, स्थानिक गुन्हे शाखेचे निरीक्षक सुशांत चव्हाण आणि जुना राजवाडा पोलीस ठाण्याचे निरीक्षक किरण लोंढे यांच्यासह पथक दाखल झाले. त्यांनी घटनास्थळाची तपासणी करून मृतदेह आणि परिसरातील पुरावे जप्त केले.

सीसीटीव्ही तपासातून आरोपीचा पर्दाफाश

पोलिसांनी परिसरातील सीसीटीव्ही फुटेज तपासले असता, संशय मनिष राऊतवर गेला. पथकाने कळंबा परिसरात शोध घेऊन त्याला अटक केली. चौकशीत त्याने सिद्धूने आईवरुन केलेल्या शिवीगाळीच्या संतापातून खून केल्याचे कबूल केले.