धनंजय मुंडे यांनी परळीत केलेल्या विकासकामांची माहिती दिली. ते म्हणाले की, “मी परळीपासून फाटक तुटू देत नसतो.” रेल्वेसाठी पैसे मागितले असून रेल्वेची जागा हस्तांतरित होणार आहे. एका महिन्याच्या आत घरकुल मंजूर करून देण्याचे आश्वासनही त्यांनी दिले. म्हाडामार्फत सर्वेक्षण करून १७०० घरकुले बांधणार असल्याचे त्यांनी सांगितले. सिमेंट काँक्रीटचे रस्ते पूर्ण झाले असून ६५ कोटी रुपयांचे क्रीडा संकुल विद्यावर्धिनीची करणार असल्याचेही त्यांनी नमूद केले.

“लोकांना देवाच्या आधी मी आठवतो,” असे म्हणत धनंजय मुंडे यांनी परळी विधानसभेत मिळालेल्या प्रचंड मतांचा उल्लेख केला. त्यांनी सांगितले की, “परळी विधानसभेत मला एवढी मतं दिली की मशीनला मोजायला कंटाळा आला. तुम्ही आमच्या कुटुंबावर प्रेम दिलेलं आहे, ते विसरू शकत नाही.” पुढे बोलताना ते म्हणाले की, “एखाद्याला व्यक्तीला अडचण आली की देवांच्या आधी धनंजय मुंडेचा नंबर आठवतो. तो मला फोन करतो आणि त्याची अडचण सांगतो. मी नशीबवान आहे. माझं संबंध जीवन आपल्या सेवेत जाणार आहे.”

यावेळी त्यांनी परळी शहराचे नाव देशात उंच करण्याचा मानस व्यक्त केला. निवडणुकीत सुरुवातीलाच विजय दिसत असल्याचे त्यांनी म्हटले. मागील एका वर्षात निवडणुकीनंतर मंत्री बनलो आणि सोडले, याचे दुःख किंवा खेद नाही, असे त्यांनी स्पष्ट केले. परळीला बदनाम करणाऱ्यांना मतांमधून दाखवून द्या, असे आवाहन त्यांनी केले. “माझ्या जागेवर दुसरा असता तर टिकला नसता,” असे सांगत त्यांनी लोकांच्या आशीर्वादाबद्दल कृतज्ञता व्यक्त केली. तुमच्या सर्वांच्या आशीर्वादामुळे परळीचे नाव देशात उंच करेल, असे ते म्हणाले. परळी शहरातील रस्ते चांगले झाले आहेत. बीडमध्ये जाती-पातीचे किंवा धर्माचे राजकारण चालत नाही, असे सांगत त्यांनी चांगले काम करणाऱ्यांना सहकार्य करण्याचे आवाहन केले. परळी शहराचे नाव पुन्हा देशात बुलंद करेल, लोक म्हणतील पुन्हा देशात नाव उंच केले, असा विश्वास त्यांनी व्यक्त केला.