गोरेगाव-मुलुंड लिंक रोड हा एकूण 12.2 किलोमीटर लांबीचा महत्त्वाचा मार्ग आहे. या संपूर्ण मार्गावर पूल, उड्डाणपूल आणि भुयारी रस्ते अशा अत्याधुनिक सुविधांचा समावेश करण्यात आला आहे. प्रकल्प पूर्ण झाल्यानंतर हा दुवा गोरेगाव परिसराला दक्षिण मुंबईशी तसेच मुलुंड परिसराला पूर्व मुंबईशी थेट जोडणारा असेल. या प्रकल्पाचे काम चार टप्प्यांमध्ये विभागले गेले असून त्यातील पहिल्या टप्प्याचे काम आता अंतिम टप्प्यात आहे.

दिल्ली अभी दूर नाही! दिल्ली–मुंबई एक्सप्रेसवेमुळे अवघ्या 12 तासांत होणार प्रवास; ‘या’ महत्त्वपूर्ण भागाचे काम अंतिम टप्प्यात

फेज 1 कुठुन कुठे?

प्रस्तावित उड्डआ दिंडोशी कोर्टाजवळून सुरू होणार असून तो थेट संजय गांधी राष्ट्रीय उद्यानाजवळ उतरणार आहे. इथून वाहनचालकांना थेट जुळ्या टनेलच्या प्रवेशद्वारात शिरता येणार आहे. या उड्डाणपूलाची लांबी अंदाजे 1.2 किलोमीटर असून हा फेज-1 च्या शेवटीचा महत्त्वाचा भाग आहे.

या उड्डाणपुलावर सहा वाहनमार्ग असणार आहेत तसेच उंच प्लॅटफॉर्मवर एक वर्तुळाकार चौक तयार केला जात आहे. याशिवाय पुलाच्या दोन्ही बाजूंना पादचारी मार्ग तसेच डेक स्लॅब्स उभारण्याचे कामही करण्यात येत आहे. हा उड्डाणपूल तयार झाल्यानंतर दिंडोशी आणि SGNP यांना थेट दुवा मिळणार आहे आणि पुढील काळात टनेलचे काम पूर्ण झाल्यावर वाहनांना या पुलावरून थेट भूमिगत बोगद्यांमध्ये प्रवेश करता येईल.

मे 2026 पर्यंत होणार सुरू

टनल बोरिंगचे काम 2026 मध्ये सुरू होणार असून हे नागरी बांधकाम पूर्ण करण्यासाठी साधारणपणे एक वर्षाचा कालावधी लागेल, असा अंदाज अधिकाऱ्यांनी वर्तवला आहे. उड्डाणपूलासाठी एकूण 31 खांब उभारण्यात येणार असून त्यापैकी 27 खांबांचे काम आधीच पूर्ण झाले आहे. रलेल्या चार खांबांचे काम सध्या सुरू आहे. पश्चिमेकडील भाग जानेवारी 2026 पर्यंत पूर्ण करण्याचे लक्ष्य ठेवण्यात आले आहे, तर पूर्वेकडील भाग एप्रिल 2026 पर्यंत पूर्ण करण्याची तयारी आहे. त्यानंतर उर्वरित कामे पूर्ण करून हा संपूर्ण फ्लायओव्हर मे 2026 पर्यंत वाहतुकीसाठी खुला करण्याचा बीएमसीचा मानस आहे.

सुमारे 14,000 कोटी रुपये खर्च करून हा GMLR प्रकल्प उभारला जात असून हा मुंबईतील महत्त्वपूर्ण प्रकल्प मानला जात आहे. पूर्ण प्रकल्प 2028 पर्यंत पूर्ण होईल, असे बीएमसीचे नियोजन आहे.