आत्महत्या करण्याअगोदर मुलांना भावनिक आवाहन

जुबेर यांनी आत्महत्या करण्यापूर्वी एक व्हिडिओ बनवला होता, त्यात त्यांनी आपल्या मुलांना, ‘तुम्ही चांगले राहा, चांगलं शिक्षण घ्या, आईची काळजी घ्या’, असं भावनिक आवाहन केलं होतं. यानंतर जुबेर यांनी आपला मोबाइल घरात ठेवून ते निघून गेले. त्यानंतर ते पुन्हा परतलेच नाहीत. काल शुक्रवारी, दुपारी 12 वाजेच्या सुमारास त्यांच्या मृत्यूची बातमी कळाली.

Pune Crime : सागर यारsss दरवाजा उघड ना, मित्रांच्या हाकाआरोळ्या, पुण्यात MPSC करणाऱ्या विद्यार्थ्याने जीव दिला, कारण…

आदल्या दिवशी जुबेर रात्री 2 वाजेपर्यंत फोनवर कुणाशी बोलला?

जुबेर शेख हे आदल्या दिवशी म्हणजे गुरुवारी रात्री 2 वाजेपर्यंत एका व्यक्तीशी बोलत होते. तेव्हापासून ते जास्त दडपणात होते, अशी माहिती नातेवाइकांनी दिली. नातेवाईकांनी शासकीय रुग्णालयात माध्यमांना माहिती देताना सांगितले, ‘जोपर्यंत सावकारांवर कारवाई हो नाही, तोपर्यंत आम्ही मृतदेह ताब्यात घेणार नाही’, अशी भूमिका नातेवाइकांनी घेतली होती. सोलापूर शहर पोलिसांनी समजूत काढून आश्वासन दिल्यानंतर मृतदेह ताब्यात घेतला. रात्री नऊच्या सुमारास त्यांच्यावर अंत्यसंस्कार करण्यात आले. त्यांच्या पश्चात आई, पत्नी, एक मुलगा, एक मुलगी आणि बहीण असा परिवार आहे.

Eknath Shinde : जिल्हाधिकाऱ्यांचा ‘तो’ नियम धुडकावणं महागात, एकनाथ शिंदेंच्या जाहीर सभेत फोटोग्राफरवर गुन्हा, नेमकं काय घडलं?

व्हिडीओत काय म्हटलंय?

मी जुबेर शेख, मला जुगाराचा नाद लागला. मी अनेक ठिकाणाहून कर्ज घेतलं. मला काय करावं हे कळत नाहीये. मी आत्महत्या करत आहे. यासाठी कोणीही जबाबदार नाही. मी कोणत्याही सावकारांचे नाव घेत नाही. सावकारांनी कुटुंबीयांना त्रास देऊ नये. मी त्यांचे खूप व्याज भरले आहे. सावकारांच्या मनात दया यावी, त्यांनी माझ्या कुटुंबीयांना त्रास देऊ नये. ज्यांनी उधार दिले आहेत, त्यांना विनंती आहे की, मी काही जणांना पैसे दिले आहेत. ते पुढील 2 ते 3 महिन्यात माझ्या आईच्या हातात पैसे देतील. काही जणांकडे माझे पैसे दिले आहेत, असे सांगून काही जणांची नावे त्यांनी या व्हिडिओमध्ये घेतलेली आहेत.

लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा