यादरम्यान, जुन्या आरटीओ रोड जवळील रेल्वे ट्रॅकवर धावत्या ट्रेन समोर उडी मारून त्यांनी जीवनयात्रा संपवल्याची माहिती आहे. वैभव घुगे हे राष्ट्रवादीचे ज्येष्ठ नेते तथा माजी मंत्री आणि आमदार धनंजय मुंडे यांचे अगदी जवळचे सहकारी म्हणून ओळखले जात होते. त्यामुळे त्यांच्या या अचानक मृत्यूने राजकारणापासून कार्यकर्त्यां पर्यंत शोककळा पसरली आहे. गावोगावी आणि शहरातही या घटनेची चर्चाच सुरू आहे.
Anant Garje: भांडण करुन घरातून निघाले, कोस्टल रोडवर असताना वारंवार गौरीला फोन, गाडी वळवली अन्… अनंत गर्जेंबाबत नवी माहिती
शहराचे महानगरप्रमुख असलेल्या वैभव घुगे यांनी इतका टोकाचा निर्णय का घेतला? हा प्रश्न सर्वांच्या मनात आहे. पोलिसांच्या प्राथमिक तपासात कर्जबाजारीपणाला कंटाळून त्यांनी आपली जीवन यात्रा संपवली असावी, अशी माहिती पुढे आली आहे. मात्र, याचं नेमकं कारण अजून स्पष्ट नाही.

गेल्या काही दिवसांपासून राजकीय गोटात खळबळ निर्माण करणाऱ्या घटना घडत आहेत. कानावर कधी घोटाळा झाल्याच्या बातम्या येतात तर कधी जमिनी हडपल्याची बातमी खळबळ माजवते, तर पंकजा मुंडे यांच्या पीएच प्रकरण. तशातच धनंजय मुंडे यांचे निकटवर्तीय कार्यकर्ता असलेल्या अकोल्यातील एका युवा कार्यकर्त्याने जीव दिल्याने सर्वत्र हळहळ व्यक्त केली जात आहे. मनमिळावू आणि सुस्वभावी असा कार्यकर्ता अचानक गेल्याने अकोला जिल्ह्यात जणू दुःखाची लाटच पसरली आहे.
Anant Garje: तिने मला फोन केला, मी पंकजा मुंडेंसोबत रॅलीत होतो; अखेरच्या फोनकॉलवर पत्नी गौरी अनंत गर्जेंना काय म्हणाल्या?
वैभव घुगे हा सुशिक्षित तरुण होता, ग्रॅज्युएशनपर्यंतचं शिक्षण त्याने घेतलं होतं. आई शिक्षिका आणि मोठा भाऊ असा त्याचा छोटासा परिवार त्याचा होता. वैभवला राजकारणाची आवड होती आणि मुंडेंच्या जवळचा कार्यकर्ता म्हणून तो ओळखला जायचा. त्याच्या राजकीय करकीर्दीतही त्याची कमी वयात चांगलं यश मिळवल्याचं सांगितलं जात आहे. मात्र, त्याने घेतलेल्या या टोकाच्या निर्णयामुळे एकच हळहळ व्यक्त केली जात आहे.