मुंबईमध्ये बुधवारी कुलाबा येथे किमान तापमान २४.२ तर सांताक्रूझ येथे किमान तापमान २२.८ नोंदले गेले. हे किमान तापमान सरासरीपेक्षा अनुक्रमे १.१ आणि २.२ अंशांनी अधिक होते. वातावरणात आर्द्रताही दिवसभर सरासरीहून अधिक होती. सकाळच्या सुमारास कुलाबा येथे ९३ टक्के तर सांताक्रूझ येथे ८४ टक्के होती. तर दिवसभरात कुलाबा येथे ७४ आणि सांताक्रूझ येथे ६६ टक्के होती. या आर्द्रतेमध्ये प्रदूषके हवेत साचून राहिली होती.
Mumbai News: धक्कादायक! मतदार एकच, नावे 103 वेळा; दुबार मतदारांनी संख्या चार लाखांच्या वर
बोरिवली पूर्व येथील भारतीय उष्णकटीबंधीय हवामान विज्ञान संस्था (आयआयटीएम) आणि महाराष्ट्र प्रदूषण मंडळ (एमपीसीबी) या दोन्ही केंद्रांवर दिवसभरात हवेची गुणवत्ता वाईट असल्याची नोंद झाली. यासोबतच अंधेरीचे आयआयटीएमचे केंद्र, देवनार, माझगाव आणि नेव्ही नगरचे आयआयटीएमचे केंद्र येथेही हवेची गुणवत्ता वाईट श्रेणीत नोंदली गेली. मुलुंड पश्चिम आणि पवईच्या एमपीसीबीच्या केंद्रांवरही हवेची गुणवत्ता वाईट श्रेणीत होती. तर सर्वाधिक प्रदूषित हवा मालाड पश्चिमेला आयआयटीएमच्या केंद्रावर होती बुधवारी नोंद झाली. मालाड पश्चिम येथे हवेच्या गुणवत्तेचा निर्देशांक ३०१ म्हणजे अति वाईट श्रेणीत होता. केवळ एमपीसीबीच्या सायन येथील केंद्रावर हवेची गुणवत्ता समाधानकारक असल्याचे समोर आले. माझगाव येथे आयआयटीएमच्या केंद्रावर हवेच्या गुणवत्तेचा निर्देशांक २७६ तर एमपीसीबीच्या केंद्रावर मुलुंड येथे हा निर्देशांक २६३ नोंदला गेला.
केंद्रीय मंत्री ‘बॉम्बे’ नावावर खूश! IITच्या नावात ‘मुंबई’ नसणे चांगलेच, जितेंद्र सिंहांचं विधान
प्रदूषित शहरांच्या क्रमवारीत मुंबई ११वी
कुठे रस्त्याची कामे, इमारतींची कामे सुरू असून हे प्रदूषण नियंत्रणात आणण्यासाठी उपाययोजना होत नसल्याचीही तक्रार सोशल मीडियावर मुंबईकर करत आहेत. आयक्यू एअरच्या नोंदीनुसार बुधवारी दिवसभरात जगभरातील सर्वाधिक प्रदूषित हवा असलेल्या शहरांच्या यादीमध्ये मुंबईचा क्रमांक ११वा होता. तर नवी दिल्ली आणि कोलकाता ही शहरे अनुक्रमे तिसऱ्या आणि चौथ्या क्रमांकावर होती.