मृत्यूच्या दारात उभ्या असलेल्यावा वाचवलं

त्याचं झालं असं की, गोल्फ क्लब चौकाजवळ बस थांब्याजवळ अचानक 47 वर्षीय संदीप सावंत हे छातीत तीव्र वेदना येऊन खाली कोसळले. काही क्षणांतच त्यांचा श्वास कमी होऊ लागला. आसपास शेकडो नागरिक परिस्थितीकडे पाहत उभे होते, पण मदतीसाठी पुढे येण्याची हिंमत मात्र कोणालाच झाली नाही. त्याचवेळी तिथून जात असलेल्या पोलीस मुख्यालयातील शिपाई सुशांत काशिनाथ रणवरे यांच्या नजरेस हा सगळा प्रकार पडला. क्षणाचाही विलंब न करता त्यांनी गाडी रस्त्यातच थांबवली आणि गर्दीतून वाट काढत ते थेट सावंत यांच्या जवळ पोहोचले. परिस्थिती गंभीर असल्याचं लक्षात येताच त्यांनी तातडीने खाली कोसळलेल्या संदीप सावंत यांना सीपीआर देण्यास सुरुवात केली. मृत्यूच्या दारात उभ्या असलेल्या सावंत यांच्या छातीवर रणवरे यांनी योग्य रितीने दाब देत श्वास परत मिळवून देण्याचा प्रयत्न सुरू ठेवला.
Pune Crime : फॉर्च्युनरमध्ये बिझनेसमनचा काटा काढला, सूत्रधार निघाला पुण्याचा माजी नगरसेवक, ताम्हिणी घाटात ट्विस्ट

काही मिनिटांनंतर जवळच्या नागरिकाच्या चारचाकी वाहनात त्यांना टाकून रणवरे यांनी स्वतःच गुंजन चौकातील शहा हॉस्पिटलमध्ये दाखल केलं. तिथे डॉक्टरांनी प्राथमिक उपचार दिल्यानंतर सावंत यांना पुढील उपचारांसाठी डी. वाय. पाटील हॉस्पिटलमध्ये हलवण्यात आले. योग्यक्षणी मिळालेल्या उपचारामुळे त्यांचे प्राण वाचल्याचे डॉक्टरांनी सांगितलं.

Pune Crime : ‘तू माझ्या ताब्यात आहेस’, 47 वर्षीय व्यक्तीवर पुण्यातील महिलेकडून अश्लील चाळे; प्रकरणात धक्कादायक खुलासा

धाडसाचं आणि माणुसकीचं मनापासून कौतुक

या धावपळीच्या काळात रणवरे यांनी सावंत यांच्या कुटुंबीयांशी संपर्क साधून त्यांना त्वरित हॉस्पिटलमध्ये पोहोचवले. या संपूर्ण घटनेनंतर परिसरातील नागरिकांनी आणि पोलीस दलाने सुशांत रणवरे यांच्या धाडसाचं आणि माणुसकीचं मनापासून कौतुक केलं आहे. गर्दीत उभ्या असंख्य लोकांनी मदत न करता पाहत राहिले, पण रणवरे यांच्या एका क्षणाच्या धडाडीमुळे एका कुटुंबाचा आधार, एका महिलेला तिचा पती आणि मुलांना त्यांचे वडील परत मिळाले.