नेमकं काय झालं?

खेळता खेळता हा चिमुकला पहिल्या मजल्याच्या गॅलरीत आला. रस्त्यावरुन जाणाऱ्या दोन मुलांची गंमत तो बघत होता. गंमत बघता बघता तो कधी लोखंडी रेलिंगवर चढला हे त्याला समजलं नाही, आणि त्याचा तोल गेला तो खाली कोसळला. खाली पडल्याचा आवाज झाल्यानंतर त्याची आई धावत आली आणि आरडाओरडीनंतर स्थानिक नागरिकांनी धाव घेतली. या चिमुरड्याला उचलून त्याला त्याच्या घरच्यांच्याकडे सोपवलं. या संपूर्ण घटनेचा अंगावर आणणारा CCTV समोर आला आहे. सध्या हा चिमुरडा सुरक्षित असून, त्याच्यावर वैद्यकीय उपचार सुरू आहेत.

Pune News : खाकी वर्दीत देवदूत धावला! हृदयविकाराचा झटका आलेल्या नागरिकाचा पोलीस शिपायानं जीव वाचवला; सुशांत रणवरेंची अख्ख्या पुण्यात चर्चा

सव्वा वर्षाच्या चिमुकल्यासोबत काय झालं?

अशीच एक घटना कोल्हापुरातील पन्हाळा तालुक्यात घडली होती. केवळ नशीब बलवत्तर म्हणून सव्वा वर्षाचा श्रीवंश प्रवीण लव्हटे गॅलरीतून पडून देखील चमत्कारिकरीत्या बचावला आहे. नवसाच्या श्रीवंशला कुटुंबाने फुलासारखं जपलं आहे, पण रविवारी लव्हटे कुटुंबासाठी काळ बनून आलेली वेळ, नशीब बलवत्तर म्हणूनच माघारी परतल्याने लव्हटे कुटुंबाने देवाचे आभार मानले आहेत. ही घटना सीसीटीव्ही कॅमेऱ्यात कैद झाली.

कोल्हापुरातील कोतोली येथील ही घटना आहे. प्रवीण पांडूरंग लव्हटे यांचा सव्वा वर्षाचा श्रीवंश हा एकुलता मुलगा घराच्या गॅलरीत खेळत होता. त्याने बहिणीची नजर चुकवून खाली पाहण्याचा प्रयत्न केला. याच प्रयत्नात तो गॅलरीतून खाली कोसळला. ही घटना प्रत्यक्षपणे पहाणार्‍यांचा या वेळी अक्षरश: थरकाप उडाला. दैव बलवत्तर म्हणून श्रीवंशच्या डोक्याला किरकोळ दुखापत वगळता तो सुखरूप बचावल्याने ‘देव तारी त्याला कोण मारी’ या म्हणीचा नागरीकांना प्रत्यय आला.