Ashish Deshmukh: भाजपमधील ‘इनकमिंग’वर अलीकडे पक्षातून टीका होत आहे. सोमवारी सावनेर येथील नगरपरिषद निवडणूक कार्यालयाच्या उद्घाटनाच्या निमित्ताने भाजपचे आमदार देशमुख यांनीही टीकास्त्र सोडले.
देशमुख म्हणाले, रंगदारी, दमदाटी आणि दडपशाहीचे काम, अवैध कामे करणाऱ्यांच्या कारकिर्दीला नाकारण्याचे काम यंदा सावनेर येथील मतदारांनी विधानसभेत केले आहे. आता परत हेच रेतीमाफिया आणि सट्टा चालवणारे लोक आपल्या पक्षात येणार असतील तर जनता हे खपवून घेणार नाही. 
Nagpur Crime : ‘सिगारेट पेटवायला लायटर दे रे…’, परत मागण्यावरुन वाद चिघळला, पिकनिकसाठी आलेल्या तरुणावर वार करत हत्या; नागपूर हादरलं
महसूल बुडवणारे लोक महसूलमंत्र्यासोबत राहतात, हे आमच्या मनाला वेदनादायी ठरते. महसुली अधिकाऱ्यांवर गाड्या चालवणारे लोक जर आमच्या पक्षाचा दुपट्टा घालून महसूलमंत्र्यांसोबत फिरतील तर आम्हाला ते पचणारे नाही. अशांचे प्रवेश रद्द करण्याचे काम चंद्रशेखर बावनकुळे यांनी करावे, अशी मी त्यांना कळकळीची विनंती करतो. यासंदर्भात दोन दिवसांत निर्णय न घेतल्यास परवा मी महात्मा गांधी यांच्या पुतळ्याखाली सत्याग्रहाला बसेल.’
अलीकडेच पालकमंत्री चंद्रशेखर बावनकुळे यांच्या उपस्थितीत राय आणि पिंपळेंना प्रवेश देण्यात आला होता, हे विशेष. देशमुखांना विश्वासात न घेता हा प्रवेश झाल्यानेच ते नाराज झाल्याचे कळते.
मित्रांसोबतची पार्टी ठरली अखेरची; परतीच्या वाटेत काळाने घेरलं, ‘हिट अँड रन’मध्ये IIMच्या विद्यार्थ्याचा मृत्यू
प्रवेश तातडीने रद्द
अमित राय आणि नरेंद्र पिंपळे यांचा भाजप प्रवेश हा स्थानिक नेत्यांचा निर्णय होता. या प्रवेशाची महसूलमंत्री चंद्रशेखर बावनकुळे अथवा आमदार आशिष देशमुख यांना कल्पना नव्हती. राय आणि पिंपळे यांचे प्रवेश आम्ही तातडीने रद्द केले आहेत, अशी प्रतिक्रिया भाजपचे जिल्हाध्यक्ष (काटोल जिल्हा) मनोहर कुंभारे यांनी दिली.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाईनमध्ये ३ वर्षांपासून कन्सल्टंट म्हणून कार्यरत आहे.या आधी सकाळ मिडियामध्ये २ वर्ष कामाचा अनुभव आहे. चालू घडामोडी, गुन्हेगारी, राजकीय विषयांच्या बातम्यांत विशेष आवड.… आणखी वाचा