पंतनगर येथील साईनगर चाळ क्र. १० मध्ये एकमजली घरात वरच्या मजल्यावर मुखिया हे कुटुंब राहते. या घरात दुपारी १२.३०च्या सुमारास गॅस सिलिंडरचा रेग्युलेटर बसवताना ही दुर्घटना घडली. गॅसगळती सुरू होऊन आगीचा भडका उडाला. आगीच्या भडक्यात प्रतीक कुमार मुखिया, गौरी मुखिया, प्रशांत विश्वकर्मा, पूजा मुखिया ही चार मुले आणि नागेश्वर मुखिया आणि दौलती देवी मुखिया असे सहा जण होरपळले.
Ladki Bahin Yojna: मोठी अपडेट! eKYC ठरली गेमचेंजर, ‘या’ लाडक्या बहिणींच्या 1500 रुपयांना लागला कायमचा ब्रेक…
याबाबत माहिती मिळताच पोलिस, अग्निशमन दलाच्या जवानांनी घटनास्थळी धाव घेतली. स्थानिकांच्या मदतीने जखमींना रुग्णालयात हलविण्यात आले. अग्निशमन दलाच्या जवानांनी काही वेळातच आग नियंत्रणात आणली. या आगीत घरातील साहित्य जळाले आणि मोठी वित्तहानी झाली. गॅसगळती असली तरी ही घटना का आणि कशी घडली, याबाबत स्थानिक पोलिस, अग्निशमन दलाचे संबंधित अधिकारी तपास करीत आहेत.
Anant Garje: भांडण करुन घरातून निघाले, कोस्टल रोडवर असताना वारंवार गौरीला फोन, गाडी वळवली अन्… अनंत गर्जेंबाबत नवी माहिती
महापालिकेच्या राजावाडी रुग्णालयाने दिलेल्या माहितीनुसार, या दुर्घटनेमध्ये सहा रुग्ण होरपळले असून, त्यातील नागेश्वर मुखिया (४५) तर दौलती देवी मुखिया (४०) या दोघांची स्थिती चिंताजनक आहे. दौलती या १५ टक्के तर नागेश्वर ५५ टक्के भाजले आहेत. मुलांमध्ये प्रतीक आणि गौरी मुखिया ही दहा वर्षांची मुले १० ते १२ टक्के भाजली आहेत. प्रशांत विश्वकर्मा (नऊ वर्षे) हा २ ते ३ टक्के भाजला आहे तर पूजा मुखिया ही सहा वर्षांची मुलगी १० ते १२ टक्के भाजली आहे.