कौसरच्या आत्महत्येवेळी पतीने प्रथमच पोलिसांशी बोलताना तिने टीईटी परीक्षेच्या ताणामुळे आत्महत्या केल्याचा दावा केला. मात्र, मृतदेह पाहिल्यानंतर तिच्या माहेरकडील नातेवाईकांनी यामध्ये घातपात असल्याचा संशय व्यक्त केला होता. यामुळे माहेरकडील लोकांनी मृतदेह स्वीकारण्यास देखील नकार दिला होता, आपत्कालीन परिस्थितीवरून पोलिस आणि स्थानिक राजकीय नेत्यांनी मध्यस्थी करून नातेवाईकांची समजूत काढली असून अखेर मृतदेहावर अंत्यसंस्कार करण्यात आला.

निवडणूक खर्चासाठी पैशांचा तगादा..

तपासा दरम्यान, कौसरवर तिच्या सासरच्या लोकांकडून विशेष छळ करण्यात येत असल्याची पुष्टी झाली. निवडणूक काळातील सासऱ्याच्या नगरपालिका निवडणूक खर्चासाठी माहेरून १० लाख रुपयांचा हुंडा आणण्याचा दबाव तसेच पतीच्या व्यवसायासाठीही आर्थिक तगादा लावल्याचा गंभीर आरोप समोर आला आहे. या रकमेसाठी सतत मानसिक आणि शारीरिक त्रास दिला जात होता. कौसरने हा त्रास सहन न करता अखेर आत्महत्येचे टोकाचे पाऊल उचलले.
Anant Garje : डॉ गौरी पालवेंची दुपारी संगीत डान्स प्रॅक्टिस, काही तासात जीव दिला; अनंत गर्जेंच्या पत्नीसोबत शेवटच्या क्षणी काय घडलं?

संशयित आरोपी आणि पोलिस कारवाई

याबाबत भाऊ अल्ताफ इक्बाल आवटी (रा. जयसिंगपूर) यांनी जयसिंगपूर पोलिसांमध्ये तक्रार दाखल केली आहे. कौसरच्या आत्महत्येविरुद्ध पती इंजमाम गरगरे, सासरे राजमहम्मद खाजा गरगरे, सासू मुमताज गरगरे आणि जाऊ समीना इलहान गरगरे यांच्यावर गुन्हा दाखल करण्यात आला आहे. पोलिसांनी या घटनेची गंभीरता लक्षात घेऊन तातडीने कारवाई करत आरोपी पती आणि जाऊ यांना अटक केली आहे. त्यांना जयसिंगपूर शहरातील जिल्हा सत्र न्यायालयात हजर करण्यात येणार असून त्यांना तीन दिवसांची पोलीस कोठडी सुनावण्यात आली आहे. सासू आणि सासऱ्याला अद्याप अटक झाली नसली, तरी त्यांच्या विरोधातही तपास सुरू असून पोलिस याबाबत तपास करत आहेत.
Radhika Kotadiya : लहान-सहान गोष्टी घरी कशाला सांगायच्या? लग्नाच्या तोंडावर 28 वर्षीय डॉक्टरने आयुष्य संपवलं, चॅटमध्ये धक्कादायक उलगडा
तर हा प्रकारामुळे केवळ कौसरच्या कुटुंबातच नव्हे तर परिसरातही मोठी खळबळ उडाली आहे. निवडणूक काळातील अशा अत्याचाराच्या प्रकरणांनी स्थानिक प्रशासन आणि राजकीय मंडळींना गंभीरपणे विचार करायला लावले आहे. पोलिसांनी सखोल तपास सुरू केला आहे. तसेच याबाबतीत अन्य कोणतीही भूमिका किंवा गुन्ह्यांची जोडणी आहे का, याचा शोध घेत आहेत. दरम्यान या घटनेमुळे निवडणूक काळात हुंडा व छळाविरुद्ध कडक कारवाईची मागणी जोर धरू लागली आहे.