आयेशा नदाफ यांच्या मुलाचा वाढदिवस रविवारी होता. मुलासाठी कपडे घेण्यासाठी त्या आपल्या भावासोबत बाजारात गेल्या होत्या. खरेदी करून घरी परत येत असताना, सोलापूर शहरातील मार्कंडेय उद्यानात त्यांना झोका खेळण्याचा मोह झाला. त्यांनी आपल्या भावाला झोका खेळायला जाण्याची इच्छा व्यक्त केली.

‘शिवसेनेपुढं कुणाची दहशत चालत नाही’; भाजपविरोधात शिंदे सेना आक्रमक, मंत्र्याने दिला थेट इशारा

त्यांच्या भावाने त्यांना विरोध केला होता, पण आयेशा यांनी ऐकले नाही. त्या उद्यानात झोका खेळायला गेल्या. झोका खेळताना त्यांचा तोल गेला आणि त्या डोक्यावर पडल्या. घटनेनंतर लगेचच त्यांचा भाऊ आणि तेथे उपस्थित असलेल्या लोकांनी मदतीसाठी धाव घेतली. मात्र, आयेशा यांची हालचाल जाणवत नव्हती. त्यांना तातडीने छत्रपती शिवाजी महाराज शासकीय रुग्णालयात उपचारासाठी दाखल करण्यात आले. डॉक्टरांनी तपासणी केली असता, त्यांना मृत घोषित केले.

मुलाच्या वाढदिवसासाठी कपडे आणायला गेलेल्या आईला मृतावस्थेत घरी आणल्याने नदाफ कुटुंबावर दुःखाचा डोंगर कोसळला आहे. शास्त्री नगर येथील मुस्लिम बहुल परिसरात या घटनेमुळे अत्यंत शोकाकुल वातावरण आहे. झोका खेळताना तोल जाऊन डोक्यावर पडल्याने आयेशा नदाफ यांचा जागीच मृत्यू झाला. उपचारासाठी रुग्णालयात दाखल केले असता डॉक्टरांनी त्यांना मृत घोषित केले. मुलाच्या वाढदिवसाच्या दिवशी आईचा असा मृत्यू होणे हे अत्यंत हृदयद्रावक आहे.

माझं नाव घेतल्याशिवाय यांचा दिवस जात नाही; उपमुख्यमंत्री एकनाथ शिंदे

उपमुख्यमंत्री एकनाथ शिंदे रविवारी सकाळी अक्कलकोट दौऱ्यावर आले होते. माध्यमांसमोर बोलताना एकनाथ शिंदेनी उद्धव ठाकरेंना टोला लगावला आहे. माझं नाव घेतल्याशिवाय यांचा दिवस जात नाही, असं वक्तव्य एकनाथ शिंदेनी केले आहे .अहंकारामुळे रावणाची लंका दहन झाली हे मी भाजपवर टीका केली नाही, तर उद्धव ठाकरेंना उद्देशून म्हटलं आहे, असा खुलासाही एकनाथ शिंदे यांनी केला आहे.